Charter Document - 07901070
| Charter Number: | 07901070 |
|---|---|
| Cartulary Title: | History of the Priory Church of Bridlington, in the East Riding of the County of York |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1119 - 1140 |
| Date type: | Assigned |
| Resource Link(s): |
|
Charter:
Omnibus successoribus suis in Eboracensi Ecclesie Canonice sub traiciendis et omnibus Parochianis suis tam Clericis quam Laicis T[hurstan] ejusdem Ecclesie Dei gratia administrator licet indignus salutem et orationum suffragia Multimoda Scripturarum interpretatione informamur quod quicquid honoris et gratie sanctissimi Dei a nobis vel pro nobis fuerit exhibitum totum sit ei odor suavitatis et sacrificium Si autem id de sanctis ejus astruit multo magis de piissima ejus genetrice sentiendum est que singularis privilegio puritatis et innocentis vite ipsum quem celum terra et mare non capiunt intra angustias virginalis uteri meruit includere Illa est illa humani generis mediatrix que pro nostris cotidianis excessibus cotidianis precibus filium suum fideliter interpellat Unde nos ejus servi beneficii illius conventione que inter Beverlacensis Ecclesie et Sancte Marie Brellintoniencis Canonicos facta est sicut in Carta utrinque concessa et Sigillo Sancti Johannis signata continetur concedimus et concedendo firmamus Quas recapitulatas presentibus intexere commodum duximus Canonici Sancte Marie Brellintoniensis Canonicos Beverlacenses familiaris ex bono caritatis que deus est in consortium beneficiorum suorum orationum et elemosinarum suscipiunt ita ut quando Beverlacensis obierit Brellintonienses ei sicut uni suorum obsequii debitum exhibeant Beverlacenses ergo ne tacite pietatis et humanitatis inveniantur immunes aliquid beneficium in perpetuum eis tenendum concesserunt Ita elemosinam illam videlicet xi travas aut duos denarios de singulis carrucis in Parochia de Brellintona et de Hundemanebi pro remedio animarum suarum Ecclesie de Brellintona semper habendam donaverunt ita quod Canonici de Brellintona Beverlacensibus i marc argenti reddent per annum ad Nativitatem Sancti Johannis Baptiste