Charter Document - 07900017
| Charter Number: | 07900017 |
|---|---|
| Cartulary Title: | History of the Priory Church of Bridlington, in the East Riding of the County of York |
| Charter Language: | Latin |
| Charter Origin: | Religious |
| Charter Type(s): | Arbitration |
| Date: | 1170 - 1253 |
| Date type: | Assigned |
| Resource Link(s): |
|
Charter:
In Dei nomine Amen Coram vobis venerabilibus viris dominis abbate de Thornton super Hambriam ac priore de Elsham Lincolniensis dioecesis in causa appellationis infra scripte judicibus sub certa forma a sede apostolica deputatis in jure proponit procurator nobilis viri Johannis de Neville domini de Grimesthorp contra religiosos viros priorem et conventum de Bridelingtun ordinis Sancti Augustini Eboracensis dioecesis ecclesiam de Edenham Lincolniensis dioecesis in proprios usus optinentes et pro eis quemlibet legitime intervenientem quod cum ipsi religiosi ratione sue ecclesie de Edenham predicte ipsum super quibusdam decimis ad eos ut dicebant pertinentibus primo coram officiali Lincolnie auctoritate ordinaria cognoscente traxissent in causam tandem causa hujusmodi per appellationem ipsius Johannis ex certo gravamine interjecto ad Cantuariensem curiam loci metropolitani legitime devoluta decanus ecclesie beate Marie de Arcubus London generalis auditor causarum dicte curie finito ejusdem appellationis articulo ac appellatione predicta legitime nunciata perperam in principali causa procedens contra dictum Johannem diffinitivam sententiam promulgavit iniquam a qua dictus Johannes ad officialem dicte curie ad quem ab eodem auditore de antiqua approbata et hactenus pacifice observata consuetudine appellabatur et appellatur appellationem emisit Verum quia dictus officialis ejusdem curie sententiam contra justiciam confirmavit eandem ad sedem apostolicam legitime appellavit Johannes supradictus Quare petit dictus procurator nomine quo supra probatis in hac parte probandis seu quavis via juris detectis vel declaratis hiis vel eorum aliquo que vel quod sufficiant vel sufficiat in hac parte pro appellatione predicta ad sedem eandem interjecta et jurisdictione vestra in hac parte pronunciari ipsamque appellationem justam et legitimam fuisse et esse sententialiter declarari necnon detectis dictarum sententiarum officialis et decani ipsas sententias diffinitivas predictorum officialis et decani et quicquid ex eis vel ob eas est subsecutum infirmari revocari tractari seu annullari viribusque cavere discerni ulterius et statuere in hac parte quod est justum addendi mutandi et in omnibus juris beneficio semper sibi salvo