Charter Document - 07900006
| Charter Number: | 07900006 |
|---|---|
| Cartulary Title: | History of the Priory Church of Bridlington, in the East Riding of the County of York |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1149 - 1156 |
| Date type: | Assigned |
| Resource Link(s): |
|
Charter:
Gilbertus de Gaunt comes Lincolnie omnibus hominibus suis Francis et Anglis et omnibus ecclesie filiis salutem Notum sit vobis me concessisse et presentis carta testimonio confirmasse ecclesia Sancte Marie de Bredlingtona et canonicis meis ibidem Domino servientibus in liberam et perpetuam elemosinam omnes donationes quas pater meus et homines sui fecerunt eidem ecclesie in ecclesiis et terris et tenuris ita liberas et quietas ab omnibus consuetudinibus et geldis preter solum danegeldum sicut pater meus eidem ecclesie concessit et per cartam suam confirmavit Preterea donavi eisdem canonicis meis et presentis carte testimonio confirmavi in liberam et tuam elemosinam totam villam de Bestingebi cum omnibus eidem ville pertinentibus in Hilderthorpe Willesthorp et Forduna Et in Bartona de una carucata terre quam Lambertus filius Willielmi tenet et totam villam de Spetona cum omnibus eidem ville pertinentibus et quicquid ego habeam in dominio meo in prato de Ravenscliffe et quicquid Walterus filius Bertini et Audoenus de Hundemanbi homines mei in eodem prato habebant et Burtonam cum omnibus pertinentiis suis tam in dominiis meis quam in servitiis illorum qui in eadem villa tenebant de me et ecclesiam de Baemburch et in eadem villa unam carucatam terre et servitium Hugonis Escrop et Johannis camerarii et Obbonis et Johelis et Walteri Brand et omnium aliorum ministrorum meorum qui libere de me terras suas tenebant Has omnes terras et tenuras dedi eis et confirmavi cum omnibus suis pertinentiis in terra arabili et in pascuis in pratis et in mariscis in aquis et in molendinis in mari et in piscariis in viis et in semitis et in omnibus locis et in omnibus rebus ad eas pertinentibus solutas quietas et liberas ab omnibus consuetudinibus et geldis preter danegeldum Hiis testibus Roberto de Gaunt fratre meo Willielmo filio Walteri Radulpho de Novavilla Stephano de Farlintona Galfrido filio Malgeri Henrico de Willerdebi Thoma ab balistario Thoma filio Petri Roberto filio constabularii Willielmo Luvet Simone capellano Johanne camerario