Charter Document - 07900003
| Charter Number: | 07900003 |
|---|---|
| Cartulary Title: | History of the Priory Church of Bridlington, in the East Riding of the County of York |
| Charter Language: | Latin |
| Charter Origin: | Papal |
| Charter Type(s): | Decree |
| Date: | 1119 - 1124 |
| Date type: | Assigned |
| Resource Link(s): |
|
Charter:
Calixtus Episcopus Servus servorum Dei Guikemanno Priori et Fratribus in Ecclesia Sancte Marie que Bridlingtonia sita est Regularem vitam professis tam presentibus quam futuris inperpetuum Austri terram inhabitantibus per prophetam Dominus precepit cum panibus occurrere fugienti Idcirco vos filii in Christo Karissimi de seculo fugientes gratanter excipimus et vestris [per venerabilem fratrem nostrum Turstinum Eborum Archiepiscopum] petitionibus annuentes per Sancti Spiritus gratiam Sedis Apostolice munimine confovemus Vite namque Canonice Ordinem quem secundum beati Augustini Regulam professi estis presentis privilegii auctoritate firmamus et ne cui post professionem exhibitam proprium quid habere neve sine Prioris vel Congregationis licentia de Claustro discedere liceat interdicimus Preterea vobis vestrisque successoribus in eadem religione mansuris ea omnia perpetuo possidenda sancimus que in presentia pro communis victus sustentatione legitime possidere videmini Universa etiam que in futura concessione Pontificum liberalitate principum oblatione fidelium vel aliis justis modis poteritis adipisci quieta semper et integra conserventur eorum per quorum sustentationem ac gubernacionem adquisita sunt usibus omnimodis profutura Nulli igitur omnino hominum facultas sit eandem ecclesiam temere perturbare aut ejus possessionibus auferre vel ablatas retinere minuere vel temerariis vexationibus fatigare Si quis autem quod absit huic nostro Decreto contraire temptaverit honoris et officii sui periculum patiatur aut excommunicationis ultione plectatur nisi presumptionem suam digna satisfactione correxerit Quicunque vero ipsum locum et in eo Domini servientes fovere suisque rebus honorare curaverit omnipotentis Dei et Apostolorum ejus benedictionem et gratiam consequantur Amen confirmatione Fundationis Priora