Charter Document - 07891513

Eugenius episcopus [servus servorum Dei] [] Religiosis desideriis dignum est facilem prebere consensum ut fidel[ium] devotio celestem sortiatur effectum Ea propter dilecti in Domino filii vestris justis postulationibus clementer annuimus et predecessoris nostri felicis memorie pape Calixti vestigiis inherentes prefatam ecclesiam in qua divino mancipati estis obsequio sub Beati Petri et nostra protectione suscipimus et presentis scripti privilegio communimus in primis siquidem statuentes ut ordo canonicus qui secundum Deum et Beati Augustini regulam in eodem loco noscitur institutus perpetuis ibidem temporibus inviolabiliter conservetur Preterea quascumque possessiones quecumque bona eadem ecclesia in presentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis Deo propitio poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis Ecclesiam de Fivele ecclesiam de Willardeby ecclesiam de Galmatona ecclesiam de Edenham ecclesiam de Witham ecclesiam de Wicheforda ecclesiam de Baemburg ecclesiam de Swaladala quicquid habetis in ecclesia de Suthferiby ecclesiam de Bovintona ecclesiam de Attingwik ecclesiam de Sprotleya et ecclesiam de Otringham ecclesiam de Flamesburg ecclesiam de Coutona ecclesiam de Hornecastra et ecclesiam Ascaby ecclesiam de Ticintona ecclesiam de altera Ticintona et ecclesiam de Maringa ecclesiam de Anderby ecclesiam de Moteby ecclesiam de Maron ecclesiam de Scalleby cum pertinentiis earum unam carucatam terre et dimidiam in Estona dimidiam in Hilderthorp ex dono Henrici regis in Brellintona quatuordecim carucatas in Basingby unam carucatam et duas bovatas in Estona duas bovatas in Grinda[la] iiii bovatas in Bucatona quatuor bovatas in Richtona iiii bovatas in Bemtona unam bovatam in Neutona unam carucatam in Schireburn unam carucatam in Freystingtorp unam carucatam et dimidiam in Martona Prohibemus quoque ut nulli fratrum vestrorum post factam in eodem loco professionem sine prioris vel congregationis licentia fas sit temere de claustro discedere discedentem absque communium litterarum cautione nullus audeat retinere Obeunte vero te nunc ejusdem loci priore vel tuorum quolibet successorum nullus ibi qualibet surreptionis astutia seu violentia preponatur nisi quam fratres communi consensu vel fratrum pars consilii sanioris secundum Dei timorem et Beati Augustini regulam providerint eligendum Decrevimus ergo ut nulli omnino hominum liceat prefatam ecclesiam temere perturbare aut ejus possessiones auferre vel ablatas retinere minuere aut aliquibus vexationibus fatigare sed omnia integra conserventur eorum pro quorum gubernatione et sustentatione concessa sunt usibus omnimodis profutura salva sedis apostolice auctoritate et dyoecesanorum episcoporum canonica justitia Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit secundo tertiove commonita si non satisfactione congrua emendaverit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo corpore ac sanguine Dei et Domini redemptoris nostri Jesu Christi aliena fiat atque in extremo examine districte ultioni subjaceat Cunctis autem eidem loco justa servantibus sit pax Domini nostri Jesu Christi quatenus et hic fructum bone actionis percipiant et apud districtum judicem premia eterne pacis inveniant Amen