Charter Document - 07891123
| Charter Number: | 07891123 |
|---|---|
| Cartulary Title: | Abstracts of the charters and other documents contained in the chartulary of the priory of Bridlington in the East Riding of the county of York |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1175 - 1184 |
| Date type: | Assigned |
| Resource Link(s): |
|
Charter:
T[homas] abbas et capitulum ecclesie Sancte Marie Torent[une] universis sancte matris ecclesie filiis salutem Cum inter nos et dilectissimos fratres nostros canonicos de Bridelintona super ecclesia de Beford orta fuisset contentio utrisque in donatione Ernaldi de Munbeg[un] intentionem suam fundentibus et ea ratione eandem ecclesiam sibi vendicare conantibus inter ecclesias prius amicissimas per aliquot annos simultatis amaritudo duravit Verum ne immensum studia partium invalescerent et diuturna litis protractio superne pacis bonum eliminaret ex consilio utriusque collegii a litigandi intentione ea recessum est ut in usus utriusque conventus memorate ecclesie fructus in perpetuum cederent pro medietate ratione equaliter utrique distribuendi Optimum enim visum est superne pacis unitatem ex partitionis divisione reformari quam conturbare ceperat totius captata possessio