Charter Document - 07891064
| Charter Number: | 07891064 |
|---|---|
| Cartulary Title: | Abstracts of the charters and other documents contained in the chartulary of the priory of Bridlington in the East Riding of the county of York |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1213 |
| Date type: | Assigned |
| Resource Link(s): |
|
Charter:
Omnibus hoc scriptum visuris vel audituris Walterus de Ver filius Ade de Gousle salutem in Christo Sciatis me concessisse et dedisse et presenti carta mea confirmasse Deo et ecclesie Sancte Marie de Brellington et canonicis ibidem Deo servientibus in liberam et puram et perpetuam elemosinam ecclesiam Sancti Swithinii de Sprottele cum omnibus ad eam pertinentibus intra villam et extra villam sine ullo retene mento ita libere et integre sicut aliquis miles liberius et integrius viris religiosis ecclesiam concedere vel dare potest nichil de eadem ecclesia michi vel heredibus meis retinens nisi orationum suffragia Quare volo quod predicti canonici fructus et obventiones illius ecclesie in usus suos quantum ad me pertinet perpetuo convertant ad sustentationem hospitalitatis de Brid[lintona] Promisi etiam fideliter juramento corporaliter prestito quod contra predictos canonicos de ecclesia de Sprottele nunquam litem movebo nec aliquo scripto faciente mentionem de illa ullo unquam tempore contra eos utar neque heredes mei utentur Hiis testibus Johanne de Sancte Cruce capellano domini regis Benedicto capellano de Sprottele magistro Roberto de Bridlintona Laurencio clerico de Wiltona Willelmo de Percy et Roberto filio ejus Waltero de Bovingtona et W[illelmo] filio ejus T[homa] de Alost Gilberto de Speton et Petro filio ejus Arnaldo de Martona Arnaldo de Buctona Willelmo de Lekburn Luca Silver Ricardo de Irtona Henrico de Giseburne