Charter Document - 07890862
| Charter Number: | 07890862 |
|---|---|
| Cartulary Title: | Abstracts of the charters and other documents contained in the chartulary of the priory of Bridlington in the East Riding of the county of York |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1185 - 1191 |
| Date type: | Assigned |
| Resource Link(s): |
|
Charter:
Robertus de Gaunt filius Walteri de Gaunt omnibus sancte ecclesie filiis salutem Notum sit vobis me concessisse et dedisse et presentis carte testimonio confirmasse ecclesie sancte Marie de Brid[elintona] et canonicis ibidem Deo servientibus in liberam et perpetuam elemosinam totam pasturam et totum herbagium in Swaldale in longitudinem versus occidentem ab Hercay usque ad ulteriorem torrentem qui vocatur Hawardesdalebec et proximior est colli qui dicitur Blabergh et in latitudine[m] a flumine Swala sursum versus ad austrum quantum terra mea durat salvis feris bestiis meis et arboribus meis Concessi etiam et presentis carte testimonio confirmavi in liberam et perpetuam elemosinam ut liceat eisdem in prefata pastura facere fenum quantumcumque voluerint et de bosco meo sine arborum succisione sufficientem materiam ad faciendas domos et faldas duarum vaccariarum quot opus habuerint et virgas sufficient[es] ad domos faciendas in eisdem vaccariis quarum una vaccaria est apud Whallesheued et altera apud Frithloc et de predicto bosco meo habebunt ad ardendum in eisdem vaccariis quantum necesse fuerit Habebunt etiam eidem canonici ad predictas vaccarias quatuor canes cum integris pedibus duos ad unam et duos ad alteram solutos noctibus et ligatos diebus qui si inventi fuerint soluti a prima hora diei usque ad vesperam custodes eorum erunt in forisfacto domini et canes in misericordia ejus quod si forte animalia canonicorum terminos antefate pasture sue transierunt rationabiliter capientur et rationabiliter dimittentur Preterea dedi prenominatis canonicis meis in Bartona in Neuport unum toftum contra toftum Bucstani ex altera parte vie Dedi etiam eis in liberam et perpetuam elemosinam ix acras terre arabilis quas Gerardus de Feriby tenuit in campo Bartone et preterea concessi et dedi alias xvij acras terre arabilis de culturis meis in campo Bartone ad mensuram pertice de Swaldal scilicet viij acras et dimidiam in Depedal et vj acras et dimidiam in Forkedal et ij acras in Wardal in escambium terre illius quam habuerunt in Hauerflat Hec omnia dedi et presentis carte testimonio confirmavi canonicis meis in liberam et perpetuam elemosinam soluta et quieta ab omni servicio Preterea concessi et dedi et presentis carte testimonio confirmavi antedictis canonicis meis in liberam et perpetuam elemosinam servicium Gerardi filii Radulfi de Feriby cum tota terra sua quam tenuerat de comite Gilberto de Gaunt in escambium ejusdem comitis quorum servicia et teneuras dederat sepe dictis canonicis soluta et quieta preter danegeld Hiis testibus Ernisio priore de Mart[ona] et Gilberto canonico ejusdem loci G[alfrido] canonico de Kirkam Henrico de Gaunt dapifero meo magistro Roberto le Escrop R[oberto] constabulario Willelmo de Torp Waltero de Bouinton W[illelmo] de Bucton W[illelmo] de Sywardeby et Ro[berto] filio ejus Willelmo filio Adelardi Gilberto de Speton Osberto de Sywardeby H[enrico] Siluer et Roberto fratre ejus Willelmo de Flaineburg et J[ohanne] et Ricardo fratribus ejus Ricardo de Flainburg Galfrido de Hilderthorp Malgero de Rudstain Roberto filio Alexandri Benedicto Gregorio filio Henrici Siluer Johanne de Hal Brun