Charter Document - 07890858
| Charter Number: | 07890858 |
|---|---|
| Cartulary Title: | Abstracts of the charters and other documents contained in the chartulary of the priory of Bridlington in the East Riding of the county of York |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1202 - 1210 |
| Date type: | Assigned |
| Resource Link(s): |
|
Charter:
Sciant omnes tam presentes quam futuri quod ego Radulfus Malus Leporarius de Aluerton divine pietatis intuitu pro salute anime mee et omnium predecessorum et successorum meorum dedi et concessi et hac presenti carta mea confirmavi Deo et ecclesie sancte Marie de Bredlington[a] et canonicis ibidem Deo servientibus in liberam et perpetuam elemosinam totam terram meam de Sumerscales quam tenui hereditarie de Willelmo filio Willelmi Malileporarii de Bedmeslai cum omnibus averiis que ibi habui tempore hujus donacionis mee et cum omnibus pertinentiis ad eandem terram pertinentibus sine retene mento in bosco et plano in pasturis et moris in introibimus et exitibus et omnibus aliis libertatibus et aisiamentis suis secundum tenorem carte prefati Willelmi quam ipse mihi de eadem terra pro homagio et servitio meo dedit et secundum limites et divisas in predicta carta et in chirographo inter me et eundem Willelmum facto contentas Unde volo quod supradicti canonici totam terram illam cum pertinentiis integre et plenaria perpetuo possideant liberam et quietam ab omni seculari servitio et exactione ad me vel heredes meos pertinente salvo tamen servitio prescripti Willelmi et heredum suorum de terra illa scilicet duodecim denarios per annum pro omni servitio sex ad Pentecosten et sex ad festum sancti Martini in hyeme eis per manus predictorum canonicorum solvendis Ego vero Radulfus et heredes mei warantizabimus Deo et prenominatis canonicis totam supradictam elemosinam meam cum pertinentiis inperpetuum contra homines et defendemus et adquietabimus eam ab omni seculari servitio salvis predictis duodecim denariis annui[s] Hiis testibus magistro Simone decano Hamone thesaurario Ebor[acensibus] Willelmo archidiacono Notingham magistro Gregorio Johanne canonico de Capella Waltero et Hugone capellanis decani Stephano de Alost Simone Maloleporario Hugone Maloleporario de Milc Willelmo de Lecheburne Ernaldo de Martona Luca Siluer Roberto de Waltham Roberto coco Willelmo Graffard Radulfo Nuuel et multis aliis