Charter Document - 07890841
| Charter Number: | 07890841 |
|---|---|
| Cartulary Title: | Abstracts of the charters and other documents contained in the chartulary of the priory of Bridlington in the East Riding of the county of York |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1173 - 1185 |
| Date type: | Assigned |
| Resource Link(s): |
|
Charter:
Willelmus de Stuttevilla omnibus hominibus suis et amicis suis salutem Sciatis me dedisse et hac presenti carta mea confirmasse Roberto forestario et heredibus suis Bluberhousum et omnes suas pertinentias hiis divisis scilicet de Stainford kilebec in descensu usque in Walkesburn et in ascensu de Walkesburna usque Redschatebec et in occidente de Walkeburna inter Redschatebec et Stei[n]fordekilebec usque ad divisas de Betemesle et de Mideltuna et de Dentuna et communem pasturam de Thorecros et de Tinbel et Pellewellam cum suis pertinentiis per has divisas de Galmeleswad per viam supra usque stratam inter Cnaresburg et Scottunam et per stratam que vadit usque ad viam per quam itur ad Barkereswad usque in Nid et in descensu de Nid usque ad Gamelewad et communem pasturam de Cnaresburg et de Screvin et infra has predictas divisas saltare et arare et domos suas edificare ubicumque voluerit sine occasione tenendum ipse et heredes sui de me et heredibus meis libere et quiete integre et honorifice in nemoribus in planis in pratis in pascuis in stagnis in molendinis et in omnibus locis et in omnibus libertatibus et in omnibus liberis consuetudinibus reddendo inde mihi et heredibus meis per annum unam marcam argenti pro omnibus servitiis et pro omnibus consuetudinibus que pertinent ad predictam terram in feodo et hereditate scilicet ad festum Sancti Michaelis dimidiam marcam et ad Pascha dimidiam marcam Hiis testibus Roberto de Stuttevill Ricardo de Brahertun T[homa] de Walkhinham Ricardo de Launei Radulfo forestario Alano fratre ejus et Ruhal fratre ejus Roberto filio Murielis