Charter Document - 07890730
| Charter Number: | 07890730 |
|---|---|
| Cartulary Title: | Abstracts of the charters and other documents contained in the chartulary of the priory of Bridlington in the East Riding of the county of York |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1150 - 1156 |
| Date type: | Assigned |
| Resource Link(s): |
|
Charter:
Gilbertus comes Lincolnie omnibus ecclesie filiis salutem Notum sit vobis quod ego pro redemptione peccatorum meorum et pro peculiari dilectione quam semper habui erga ecclesiam Sancte Marie Brellintone mancipavi me ipsum eidem ecclesie ea videlicet ratione ut ubicumque vivendi finem fecero in monasterio Bredlintonensi locum sepulture accipiam Et si aliquando Deus per gratiam suam cor meum tetigerit et opportunitatem dederit ut relicta seculari vanitate in paupertate Deo servire decernam in predicto monasterio habitum religionis accipiam et in illorum consortio ultima vite mee spatia compleam inter quos ab annis infantie calueram conveniens quippe mihi visum est ut ubi in hunc mundum ingressus sum de ventre matris mee ibi de hoc mundo egrediar in matrem omnium et per eorum exemplum atque doctrinam Christo merear in bonis operibus conformis fieri per quorum ministerium Christum baptismate indui quapropter noverit quisquis qui hec audierit quia mihi proprie officiosus aut injuriosus erit quisquis eidem ecclesie utilis aut noxius fuerit Hiis testibus Gaufrido fratre meo Waltero decano []