Charter Document - 07890253
| Charter Number: | 07890253 |
|---|---|
| Cartulary Title: | Abstracts of the charters and other documents contained in the chartulary of the priory of Bridlington in the East Riding of the county of York |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1190 - 1196 |
| Date type: | Assigned |
| Resource Link(s): |
|
Charter:
E[rnaldus] dictus abbas Ryevallensis et A[nsketillus] prior de Nostele et H[amo] precentor Eboracensis universis sancte matris ecclesie filiis ad quos litere presentes pervenerint salutem in vero salutari Provida jurium prudentum decrevit religio causarum decisiones scriptis memorialibus commendandas ne sententia canonica terminata negotia recidiva litigantium contentione suscitarentur Ea propter predecessorum nostrorum vestigiis inherentes presentibus literis duximus insinuandum qualiter in causa que vertebatur inter canonicos de Brid[elintona] et canonicos de Grimesby super decimationibus commissa processerimus et quem finem eidem negotio auctoritate nobis facte commissionis imposuerimus Convocatis itaque partibus et diversis observata juris sollempnitate cytationibus emissis presentibus hiis quos causa contingebat dies partibus constitutus fuit peremptorius ut testes producerent et assertiones suas probationibus quibus vellent affirmarent Die vero statuto testes ex parte canonicorum de Brid[elintona] fuerunt producti jurati et examinati cum ex adversa parte nec testes aliqui producerentur nec alie competentes probationes exhibentur cumque ex parte canonicorum de Brid[elintona] trina fuisset facta testium productio per quos omni exceptione majores nobis de eorundem canonicorum de Brid[elintona] intentione fides plena facta fuisset cumque de contumacia canonicorum de Grimesby nobis plene constituisset restitutionem ablatorum prescriptis canonicis de Brid[elintona] juxta formam mandati apostolici adjudicavimus prescriptos canonicos de Grimesby condemnantes in summam decem marcarum nomine proventuum ex prefatis decimationibus injuste perceptorum extimationis taxatione legitime facta eisdem vero auctoritate summi pontificis in hac parte nobis commissa precepimus quatinus decetero ab hujusmodi decimationum parochianorum de Fivele piscatorum exactione omnino desisterent