Charter Document - 07890243
| Charter Number: | 07890243 |
|---|---|
| Cartulary Title: | Abstracts of the charters and other documents contained in the chartulary of the priory of Bridlington in the East Riding of the county of York |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1185 - 1195 |
| Date type: | Assigned |
| Resource Link(s): |
|
Charter:
Sciant omnes presentes et futuri quod ego Hugo prior et nos conventus Bridlintonensis dedimus et hac carta confirmavimus Lambino homini nostro filio Huberti de Brinigstona in feudum et hereditatem terram nostram in Scarburg quam Umfridus clericus dedit nobis libere et quiete tenendam de nobis pro omnibus servitiis ad nos pertinentibus reddendo annuatim sex decem solidos scilicet octo ad Pentecosten et octo ad festum Sancti Martini et ipse adquietabit eandem terram de omnibus aliis servitiis Preterea dedimus et hac carta confirmavimus eidem Lambyno in feudum et hereditatem toftum illud in Fivele quod fuit Edrici claudi liberum et quietum ab omnibus consuetudinibus pro duodecim nummis annuatim nobis reddendis sex ad Pentecosten et sex ad festum Sancti Martini ita quod ipse in eodem tofto manebit et ibi attractum rerum suarum faciet Et nec toftum illud nec terram prefatam in Scardeburg alicui homini dabit nec vendet nec invadiabit sine consensu nostro nisi legitimo suo heredi Et nec per burgagium de Scardeburg nec per aliam advocationem se defendet ut minus justitiabilis sit nobis in curia nostra de omni re ad nos pertinente Hoc autem totum fideliter et sine malo ingenio tenendum juravit idem Lambinus Si autem forte per placitum sepedictam terram de Scardeburg perdiderit nos ei nullum dabimus escambium Hiis testibus Reginaldo pincegueria Gregorio et Lucha filiis Henrici Silver Rogero nepote Gregorii prioris Symone de Hundmanby Alano filio Roberti Jurdan Gregorio de Burtona Roberto Pullekoc