Charter Document - 07890215
| Charter Number: | 07890215 |
|---|---|
| Cartulary Title: | Abstracts of the charters and other documents contained in the chartulary of the priory of Bridlington in the East Riding of the county of York |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1135 - 1140 |
| Date type: | Assigned |
| Resource Link(s): |
|
Charter:
Omnibus successoribus suis in Eboracensi ecclesia canonice substituendis et omnibus parochianis suis tam clericis quam laicis T[urstinus] ejusdem ecclesie Dei gratia administrator licet indignus salutem et orationum suffragia Multimoda scripturarum interpretatione informamur quia quicquid honoris et gratie sanctis Dei a nobis vel per nos fuerit exhibitum totum sit ei odor suavitatis et sacrificium Si autem id de sanctis ejus astruitur multo magis de piissima ejus genitrice sentiendum est que singularis privilegio puritatis et innocentis vite ipsum quem celum terra et mare non capiunt intra angustias virginalis uteri meruit includere Illa est illa humani generis mediatrix que pro nostris cotidianis excessibus cotidianis precibus Filium suum fideliter interpellat Unde nos ejus servi beneficii illius conventionem que inter Beverlacensis ecclesie et Sancte Marie Brellintoniensis canonicos facta est sicut in carta utrinque concessa et sigillo Sancti Johannis signata continetur concedimus et concedendo firmamus Quam recapitulatam presentibus intexere commodum duximus Canonici Sancte Marie Brellintoniensis canonicos Beverlacenses familiarius ex bono caritatis que Deus est in consortium beneficiorum suorum et orationum et elemosinarum susceperunt ita ut quando Beverlacensis obierit Brellintonienses ei sicut uni suorum obsequii debitum exhibeant Beverlacenses vero ne tante pietatis et humanitatis inveniantur immunes aliquod beneficium in perpetuum eis tenendum concesserunt Nam elemosinam illam videlicet ii travas vel ii denarios de singulis carrucis in parochia de Brellintona et de Hundemanebi pro remedio animarum suarum ecclesie de Brellintona semper habendam donaverunt ita quod canonici de Brellintona Beverlacensibus i marcam argenti reddent per annum ad Nativitatem Sancti Johannis Baptiste