Charter Document - 07860037
| Charter Number: | 07860037 |
|---|---|
| Cartulary Title: | Chronicon Petroburgense. The Black Book of Peterborough. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1275 |
| Date type: | Internal, Calendar, Regnal |
| Resource Link(s): |
|
Charter:
Edwardus Dei gratia [] vicecomiti Norhamtonie salutem Cum nuper tibi preceperimus quod assumptis tecum custodibus placitorum corone nostre in pleno comitatu tuo per sacramentum proborum et legalium hominum ejusdem comitatus per quos rei veritas melius sciri posset diligenter inquireres utrum Johannes Fauvel Hugo Fauvel Galfridus Fauvel Ricardus Ridel de Witeringes Alanus Swetinbedde Robertus le Escot Nicholaus le Clerc David le Escot Rogerus Aubeny Petrus Balle Walterus de Osgoteby Willelmus Taylemayle Henricus le Careter Hugo Kyng Thomas le Grant Willelmus le Bret Adam le Bret Hugo Wronghers Ricardus filius Hugonis de Thornhawe Willelmus Horebore Nicholaus Durant Willelmus Deve Hugo Smache et Ricardus Sethel capti et detenti in prisona nostra de Burgo sancti Petri pro morte Wolnoti de Kempestona unde appellati sunt de morte illa odio et atia an eo quod inde culpabiles sint et tu inquisicioni illi faciendi pro eo quod corpora eorum infra libertatem abbatis de Burgo sancti Petri in prisona existunt supersederit huc usque in eorum dampnum maximum et gravamen sicut ex parte eorundem nobis est ostensum Cumque abbas predictus ad nos postmodum accesserit et coram nobis et consilio nostro sufficienter ostenderit quod ad ipsum abbatem attachiamenta hujusmodi appellatorum pertinent Nos nolentes eidem abbati in hoc parte injuriari precipimus quod occasione predicta non omittatis quin inquisicionem predictam facias et eam nobis remittas in forma prioris mandati nostri quod inde recepisti Teste meipso apud Westmonasterium xvii die Mai anno regni nostri tercio Per Walterum Roffensem episcopum ex parte Regis et consilii sui