Charter Document - 07860031
| Charter Number: | 07860031 |
|---|---|
| Cartulary Title: | Chronicon Petroburgense. The Black Book of Peterborough. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1285 |
| Date type: | Internal, Calendar, Regnal |
| Resource Link(s): |
|
Charter:
Edwardus Dei gratia Rex Anglie [] archiepiscopis episcopis abbatibus prioribus comitibus baronibus militibus liberis hominibus et omnibus in comitatu Norhamtonie salutem Sciatis quod constituimus dilectos et fideles nostros Johannem de Vallibus Willelmum de Saham Rogerum Loveday Johannem de Metingham et Nicholaum le Gras justiciarios nostros ad itinerandum ad communia placita hac vice de comitatu predicto Constituimus etiam eosdem justiciarios nostros ad audiendum et terminandum placita de libertatibus juxta provisionem et ordinacionem inde factas et ad transgressiones et querelas omnium querencium seu conqueri volencium tam de ballivis et ministris nostris quibuscumque quam de ballivis et ministris aliorum et aliis quibuscumque et ad quascumque querimonias audiendas et terminandas et ad competentes emendas inde faciendas secundum legem et consuetudinem regni nostri et juxta ordinacionem per nos inde factam et juxta tenorem statutorum nostrorum et juxta articulos eisdem inde traditos et injunctos Et ideo vobis mandamus quod eisdem Johanni [] tanquam justiciariis nostris itinerantibus in omnibus que ad placita illa pertinent intendentes sitis et respondentes sicut predictum est In cujus rei testimonium [] Datum apud Wolvemere tercio die Augusti anno regni nostri xiii