Charter Document - 07860030

Venerande religionis viro domino Richardo Dei gratia abbati de Burgo sancti Petri et ejusdem loci conventui Rogerus de Rothewelle juris utriusque professor salutem cum omni reverencia et honore Quamvis puplicum sit et notorium Ecclesiam de Keteringa Lincolnie dioecesis vestri patronatus ad quam me divine caritatis intuitu reverendo in Christo patri domino Olivero Lincolnie episcopo loci dioecesano nuper presentastis per mortem quondam domini Emanuelis de Sauro ultimi rectoris ejusdem ecclesie manifeste vacare ad omnem tamen materiam dubitacionis et metus periculi aut dampni quod in hac parte concipi potuerit aut qualitercumque excogitari plenius amputandam Ego motu meo proprio sponte pure et absolute licet ex abundanti offero et promitto me vos in omnem eventum ab omni periculo dampno et jactura que et quam processu temporis per quoscumque et precipue per aliquem vel aliquos vice nomine vel ex parte dicti Emanuelis dudum memorate ecclesie ut predicitur rectoris sub quocumque colore occasione dicte presentacionis de me facte incurrere possetis seu de facto quod absit forsitan incurretis illesos et indemnes semper ac totaliter servaturum Et ut expressius dicam dampna si qua forte pretextu ejusdem presentacionis mee qualitercumque modo de facto incurreretis de meo resarcit urum et vobis super eisdem dampnis plenaria satisfacturum sub pena cc librarum sterlingorum ad quam vobis si committatur quod absit pro vestro interesse in hoc casu me preter juramentum meum corporale quod super dicta promissione mea fideliter observanda vobis ad sancta Dei prestiti evangelia spontaneus obligo presencium tenore Subiciens insuper me jurisdictioni et cohercioni cujuscumque judicis ordinarii seu delegati quem vos in hac parte duxeritis eligendum ut hujusmodi judex a vobis electus ostenso sibi instrumento presenti prout requisierit hujus negocii natura unica monitione octo dierum tantum premissa ad solvendam vobis predictam pecuniam ducentarum librarum nomine vestri interesse si eam committi contigerit per suspensionis et excommunicacionis sentencias liberius compellere valeat de plano et absque omni strepitu judiciali Super qua etiam pene commissione simplici verbo vestro vel alicujus vestrum pro vobis stare volo et consencio absque juramento et omni alio onere cujuscumque probationis culpa dicti juramenti mei non observati prout justum fuerit per eundem judicem electum nihilominus plectenda juxta canonicas sanctiones Renuncio etiam in premissis promissionibus et obligacionibus meis omni contradiccioni cavillacioni appellacioni regie prohibicioni de duabus dietis constitucioni fori excepcioni omnique aliquo remedio juris canonici et civilis omnibus impetratis et inpetrandis que michi prodesse et vobis aliquatenus obesse possent in prenominatis In cujus rei testimonium [] Datum apud Burgum ii kalendas Septembris Anno gratie MCC Octogesimo quarto