Charter Document - 07860026
| Charter Number: | 07860026 |
|---|---|
| Cartulary Title: | Chronicon Petroburgense. The Black Book of Peterborough. |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 |
| Date type: | Internal, Feast |
| Resource Link(s): |
|
Charter:
Reverendo in Christo patri et domino Olivero Dei gratia Lincolnie episcopo suus humilis et devotus Officialis archidiaconi Norhamtonie salutem Et cum summo obediencie debito reverenciam pariter et honorem Noverit vestra paternitas reverenda me ad mandatum vestrum tam super ecclesiam de Cloptona quam personas Willelmi Campiun de Irtlingburgo pro cujus provisione vobis per sanctissimum patrem dominum Martinum papam scriptum est et dicti Thome filii Gilberti Cappellani ad dictam ecclesiam presentati in pleno loci capitulo inquisicionem diligentem fecisse per quam quidem accepi quod dicta ecclesia vacat et cepit vacare die Dominica scilicet in vigilia sancti Michaelis proximo preterito per mortem domini Johannis de Camerwelle ultimi rectoris ejusdem Abbas et conventus de Burgo sancti Petri sunt veri patroni ejusdem ecclesie que non est litigiosa nec pensio naria Valet autem ipsa ecclesia decem marcas et amplius annuatim una cum porcionibus decime garbarum quas sacrista de Burgo sancti Petri et prior et canonici Huntendonie percipiunt in eadem De personis dictorum Willelmi et Thome dicit capitulum se nichil scire eo quod eisdem sunt ignote ex concessione tamen dicti Thome didicit dictum capitulum ipsum alibi beneficiatum existere que omnia vobis reverenter significo per presentes Valeat [] Datum apud Irtlingburgum die Sabbati scilicet in festo Omnium Sanctorum anno Domini supradicto