Charter Document - 07860022
| Charter Number: | 07860022 |
|---|---|
| Cartulary Title: | Chronicon Petroburgense. The Black Book of Peterborough. |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1282 |
| Date type: | Internal, Calendar, Episcopal |
| Resource Link(s): |
Reference Document for this Embedded Document |
Charter:
Oliverus permissione divina Lincolnie episcopus unicus executor mandati apostolici pro Willelmo dicto Campiun de Irtlingburc paupere clerico nostre dioecesis nobis directi deputatus dilecto in Christo filio archidiacono Norhamtonie vel ejus officiali salutem gratiam et benedictionem Auctoritate mandati sacrosancte sedis apostolice supradicti quod vobis per dictum Willelmum mittimus inspiciendum nobisque per eundem fideliter remittendum vobis mandamus firmiter injungentes quatinus super vita moribus conversacione condicionibus et natalibus ac aliis ipsius meritis per viros fide dignos et juratos ejusdem noticiam non tam moderno tempore quam transacto plenius optinentes diligentem facientes inquisicionem ac etiam utrum alias beneficiatus existat aut alias per dominum papam de beneficio ecclesiastico sibi providendo scriptum fuerit pro eodem sollerter investigetis veritatem et quid per hujusmodi inquisicionem inveneritis una cum testium nominibus et eorum deposicionibus sub sigillo vestro nobis fideliter transmittatis inclusum vestras litteras patentes harum seriem continentes nihilominus destinantes Datum Londoniis x kalendas Septembris pontificatus nostri anno secundo