Charter Document - 07860019

Hec est convencio facta die Veneris proxima post festum sancti Hillarii anno regni Regis Edwardi undecimo inter abbatem et conventum de Burgo sancti Petri ex una parte et Galfridum de Suthorp et Roysiam uxorem ejus ex altera videlicet quod dicti abbas et conventus dimiserunt et concesserunt dictis Galfrido et Roysie uxori ejus custodiam terrarum et tenementorum que fuerunt Petri de la Mare que dictus abbas habuit nomine custodie per mortem dicti Petri in Makesey et Norburgo Habendam et tenendam dictis Galfrido et Roysie vel eorum alteri super viventi ut in dominicis reditibus wardis releviis escaetis villanis villenagiis auxiliis finibus merchetis curiis et earum perquisitis pratis pascuis pasturis molendinis aquis stagnis vivariis boscis domiciliis libertatibus aisiamentis et rebus omnibus ad dictas terras et tenementa pertinentibus que dicto abbati nomine custodie accidere possent si in manu sua existeret Exceptis xii solidatis terre vel redditus pro voluntate abbatis de quibus perficietur dos que dominam Christianam que fuit uxor domini Petri de la Mare contingit de tenementis que dictus Petrus tenuit de dicto abbate Exceptis similiter sex acris prati que Thomas de Normanvile dominus de Empingham tenuit de dicto Petro Et exceptis wardis releviis et escaetis cum acciderint de omnibus hiis que dominus Reginaldus de Watervile Ricardus de Wodecroft et Johanna que fuit uxor Nicholai de la Mare de dicto Petro tenuerunt de quibus dicti Galfridi et Roysia nichil habebunt nisi tantum annuum redditum eorum usque ad legitimam etatem Galfridi filii et heredis dicti Petri pro cc marcis sterlingorum de quibus solvent in festo apostolorum Petri et Pauli quinquaginta marcas et in festo Assumpcionis beate Virginis triginta marcas et in festo sancti Michaelis proximo sequente centum et viginti marcas Et preter hoc dicti Galfridus et Roysia solvent annuatim dictis abbati et conventui et eorum successoribus decem libras pro tenementis predictis usque ad legitimam etatem predicti heredis ad duos anni terminos videlicet ad festum sancti Michaelis centum solidos et ad Pascha centum solidos Et si predicti Galfridus et Roysia vel alter eorum in solucione predictarum ducentarum marcarum terminis supradictis in toto vel in parte defecerint licebit dictis abbati et conventui omnes predictas terras et tenementa ingredi et pacifice retinere cum fructibus omnibus in terra et extra existentibus sine contradiccione seu clamio dictorum Galfridi et Roysie et etiam sine recuperacione seu repeticione alicujus peccunie solute Si vero contingat dictum Galfridum filium et heredem dicti Petri infra etatem decedere Petro fratre suo juniore superstite tunc remanebit dicta custodia penes dictos Galfridum et Roysiam per tantum tempus quo dictus Galfridus si viveret esset plene etatis in forma predicta Et post illud tempus dabunt dicti Galfridus et Roysia pro dicta custodia quadraginta libras annuatim ad terminos predictos usque ad legitimam etatem Petri fratris dicti Galfridi junioris Utroque autem infra etatem decedente dicti Galfridus et Roysia nichil in dicta custodia clamare vel exigere poterunt nec aliquid recuperare seu remedium versus dictos abbatem et conventum et eorum successores inde habebunt Nec licebit dictis Galfrido et Roysie in aliquibus supradictis facere vastum vendicionem exilium seu alienacionem aliquam nec villanos rediment seu indebite gravabunt Domos vero sepes fossata muros reficient cum opus fuerit et sustentabunt sumptibus suis in adeo bono statu vel meliori quo ea ceperunt Et sciendum est quod si dicti Galfridus Roysia vel eorum alter voluerit dictam custodiam alicui dimittere hoc fieri non debet nisi abbati et ejus successoribus dum tamen tantum inde dare voluerint quantum alius sine fraude dare velit Et si alii[s]quam abbati dictam custodiam dimittere voluerint hoc facere non possunt nisi de voluntate et assensu ipsius abbatis et successorum suorum Si autem secus factum fuerit licebit dicto abbati et successoribus suis dictas terras et tenementa ingredi et retinere sicut superius dictum est de solucione non facta seu minus plene facta De vasto vero vendicione et exilio seu alienacione supradictis fiat sicut continetur in carta domini Regis de libertatibus et aliis statutis super hoc editis De redempcione vero villanorum et eorum indebitis gravaminibus abbas predictus et ejus successores inde facient emendas racionabiles per visum et testimonium proborum hominum de visneto cum de hoc requisiti fuerint et eis constiterit Et dicti abbas et conventus custodiam predictarum terrarum et tenementorum cum omnibus pertinenciis et rebus supradictis in forma predicta dictis Galfrido et Roysie et quibus in extremis legare voluerint contra omnes gentes warentizabunt aquietabunt et defendent In cujus rei testimonium predicti abbas et Galfridus sigilla sua presentibus alternatim apposuerunt Hiis testibus []