Charter Document - 07860015

Noverint universi quod cum per dominum abbatem et conventum de Burgo sancti Petri dominum Robertum de Nevile et Johannem le Tailur de Scottona averia extraneorum in pastura de Scotere et de Scottona temporibus retroactis agistarentur et ab eisdem de hujusmodi averiis herbagium caperetur concessum est et inter ipsos conventum et tenore presentis scripti inter ipsos cirographati pro eis successoribus et heredibus suis confirmatum quod nulla averia in suprascripta pastura per predictos abbatem et conventum Robertum et Johannem seu per aliquem successorum vel heredum suorum de cetero agistentur nec herbagium inde capiatur Et quod de supradicta pastura prout per bundas et metas de consensu parcium positas plenius apparet inter calcetum de Surswat et divisam inter mariscum de Scottona et Lautona fiat appruamentem Ita videlicet quod medietas tocius appruamenti penes dictum abbatem remanebit exceptis xii acris quas dictus Johannes habebit de porcione dicti abbatis preter porcionem ipsum contingentem Et altera medietas penes dictos Robertum et Johannem remanebit Ita scilicet quod due partes dicte medietatis penes dominum Robertum remanebunt et tercia pars penes predictum Johannem remanebit una cum sex acris quas de porcione predicti Roberti preter dictam tertiam partem habebit Et dictus abbas et conventus et eorum successores habeant et teneant porcionem suam memoratam prout supra scriptum est Et liceat eis inde facere comodum suum quandocumque et qualitercumque sibi viderint melius expedire sine clamio et contradiccione dictorum Roberti et Johannis et heredum suorum inperpetuum Dicti vero Robertus et Johannes et eorum heredes consimili modo de porcionibus suis ordinent et faciant sine clamio et contradiccione dictorum abbatis et conventus vel successorum suorum in perpetuum Si vero aliquis de libere tenentibus predictorum abbatis Roberti et Johannis contra prefatum appruamentem aliquem predictorum successorum vel heredum eorum gravare seu aliquo tempore implacitare voluerit dicti abbas et conventus Robertus et Johannes volunt et obligant se successores et heredes suos quod dominus ipsius conquerentis eidem satisfaciat et alios indemnes conservet Ita quod memoratum appruamentem ratum et stabile maneat inperpetuum Concessum est etiam per predictos abbatem et conventum Robertum et Johannem et inter ipsos conventum quod liceat ipsis omnibus et singulis facere appruamentem in pastura de Northcher inter calcetum de Surswat et divisam inter mariscum de Scotere et Messingham quandocumque et qualitercumque voluerint sine clamio seu contradiccione alicujus predictorum Ita tamen quod dicti abbas et conventus habeant medietatem tocius dicti appruamenti de Northcher et dicti Robertus et Johannes alteram medietatem Et sciendum quod Johannes le Taylur de dicto appruamento de Northcher nichil de porcionibus abbatis et Roberti percipiet sed tantum terciam partem medietatis penes dictos Robertum et Johannem remanentis habebit Ita quod illa tercia pars sit inter porcionem dicti abbatis et porcionem dicti Roberti