Charter Document - 07860001
| Charter Number: | 07860001 |
|---|---|
| Cartulary Title: | Chronicon Petroburgense. The Black Book of Peterborough. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1272 - 1280 |
| Date type: | Assigned |
| Resource Link(s): |
|
Charter:
Edwardus Dei gratia [] Omnibus ballivis et fidelibus suis de comitatu Norhamtonie ad quos presentes littere pervenerint salutem Quia certis de causis volumus quod omnes aurifabri ac custodes cuneorum et illorum officiorum ministri in villa Norhamtonie et in aliis burgis et villis mercatoris per totum comitatum predictum tam infra libertates quam extra capiantur una cum eorum bonis et catallis tam in domibus et maneriis suis quam in schoppis et in aliis locis quibuscumque sive super terram sive subtus terram et quod salvo custodiantur donec aliud inde tibi preceperimus Nos de fidelitate circumspeccione et diligencia dilecti et fidelis nostri Ricardi de Foberham et Thome vicecomitis predicti fiduciam gerentes specialem assignavimus eosdem et ipsos quos ipsi loco sui assignabunt ad dictos auri fabros custodes cuneorum et eorum ministros ac eorum bona et catalla in forma predicta are standus capiendos et salvo custodiendos et ad secretum et manifestum si necesse fuerit scrutinium faciendos in omnibus locis pertinentibus predicto [comitatui] ubi aliqua suspicio invencionis re tonsure monete nostre haberi possit et ad inde suspectos seu in dictatos vel in dictandas una cum bonis et catallis suis quibuscumque are standus et ad ea usque turrim nostram Londoniarum per vicecomitem comitatus predicti cariari et ibidem custodiri faciatis donec aliud inde duxerimus ordinandum Assignavimus etiam eosdem ad omnes alias circumstancias dictum negotium tangentes examinandas secundum quod eis injunximus Et ideo vobis mandamus quod prefatis Ricardo et vicecomiti vel hiis quos ipsi ad hoc assignabunt tam infra libertates quam extra intendentes sitis et respondentes consulentes et auxiliantes et assistentes prout ipsi vobis injungant dicent seu scire facient ex parte nostra Ita quod nulli vestrum sub periculo vite et membrorum et omnium que habetis in regno nostro imputari possit vel debeat quominus premissa execucioni demandentur sicut predictum est Mandamus etiam per presentes vicecomiti comitatus predicti et ballivis libertatum quarumcumque quod prefato Ricardo vel ejus et vicecomitis illius substitutis credant in premissis in forma predicta In cujus rei testimonium []