Charter Document - 07720142

Omnibus hoc scriptum visuris vel audituris Patricius de Dunbar comes Marchie et Morauie eternam in Domino salutem Inter opera pietatis et in misericordie illud reputamus eximium viros religiosos in suis possessionibus et priuilegiis a viris fidelibus sibi et Deo caritatis feruore donatis pro prosequi affectu et fine gracioso debite confouere Hinc est quod nos alias moti contra religiosos viros priorem et conuentum ecclesie Dunelmensis ac monachos in cella de Coldingham Deo seruientes et inperpetuum seruituros super peticione cuiusdam annui redditus decem solidorum vno pare botarum fellatorum ac vno pellicio de pellibus ouinis nobis debitis per monachos predictos de villa de Edreham annuatim Tandem inspectis munimentis ac cartis dictorum religiosorum super donacione dictarum villarum de Edreham et Nesbyt comperimus et sana mente euidenter percepimus dictas villas de Edreham et Nesbyt a nostris predecessoribus eisdem religiosis viris donatas in puram et perpetuam elemosinam ac liberas et exemptas a solucione tocius annui redditus antedicti Cuius quidem carte non cancellata non abolite non rasa nec in aliqua sui parte viciate tenor talis est [] Quicumque hec abstulerit Deus sibi hanc vitam et regnum celorum auferat Quam quidem cartam donacionemque et concessionem in eadem contentas in omnibus punctis suis articulis condicionibus et modis ac circumstanciis suis quibuscumque forma pariter et effectu in omnibus et per omnia vt predictum est approbamus ratificamus et pro nobis et heredibus nostris et successoribus quibuscumque inperpetuum confirmamus Quare nos Patricius de Dunbar comes antedictus Deum et iusticiam habentes per oculis euulsis funditus prime cause mouentis suspectis radicibus dictam questionem annui redditus et sopita taciturnitate penitus inposterum concludendo dictos religiosos viros a peticione seu questione nostra heredum vel successorum nostrorum quorumcumque liberos prout de iure debemus dimittimus et inperpetuum absolutos Ita quod nec nos nec heredes nostri aut nostri successores quicumque aliquid iuris clameum exactionem seu demanda que in predicto annuo redditu decem solidorum vnius paris botarum feltatarum ac vnius pellicii de pellibus ouinis vt in omnibus predictum est vendicare poterimus seu poterint quoquomodo set inperpetuum simus et sint penitus exclusi et tocius roboris expertes in hac parte In cuius rei testimonium sigillum nostrum magnum huic presenti carte nostre fecimus apponi Apud castrum nostrum de Dunbar vicesimo quarto die Maii anno Domini millesimo CCC sexagesimo septimo Hiis testibus domino Patricio de Hebborn domino de Halis Georgio de Dunbar consanguineo nostro Alexandro de Ramesay Alexandro de Rykklyntona tunc constabulario nostro de Dunbar Roberto Leche tunc senescallo nostro et Ricardo de Ellum et multis aliis Quam quidem cartam nos Agnes comitissa Marchie et Morauie in omnibus suis punctis articulis et circumstanciis modo pariter et forma supradictis approbamus ratificamus et inperpetuum confirmamus In cuius rei testimonium sigillum nostrum cum sigillo reuerendi domini mei comitis presentibus est appensum die loco et anno supradictis