Charter Document - 07720090
| Charter Number: | 07720090 |
|---|---|
| Cartulary Title: | The History and Antiquities of North Durham between 1000 and 1800 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1367 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Dauid Dei gracia rex Scottorum priori de Durame et balliuis suis baronie de Coldyngham salutem Quia per inquisicionem de mandato nostro per vicecomitem nostram de Berwyk et balliuos suos factam et ad capellam nostram re tornatam compertum est quod quondam Patricius Rayll pater Thome Rayll latoris presencium obiit vestitus et saysitus vt de feodo ad pacem et fidem nostram de duabus bouatas terre iacentibus in territorio de Coldingham et de officio servandi capitalis in baronia de Coldyngham infra vicecomitatum de Berwyk et quod dictus Thomas est legitimus et propinquior heres eiusdem quondam Patricii patris sui de eisdem duabus bouatas terre predicte et officio cum pertinenciis et quod est legitime etatis et quod dictas duas bouatas terre predicte et predictum officium cum pertinenciis de vobis tenet in capite Vobis mandamus et precipimus quatinus cum idem Thomas vobis fecerit pro dictis terris et officium cum pertinenciis quod de iure facere tenetur eidem Thome vel suo certo attornato latori presencium saysinam dictarum duarum bouatarum terre predicte et officii cum pertinenciis visis litteris liberari faciatis indilate Quod nisi feceritis precepimus per litteras nostras vicecomiti nostro et balliuis suis de Berwyk quod hoc eidem Thome iuste habere faciant et sine dilacione Teste meipso Apud Edynburgh xxijij die mensis Octobris anno regni nostri tricesimo octauo