Charter Document - 07720088
| Charter Number: | 07720088 |
|---|---|
| Cartulary Title: | The History and Antiquities of North Durham between 1000 and 1800 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1364 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Dauid Dei gracia rex Scottorum vicecomiti et balliuis suis de Berwyk salutem Mandamus vobis et precipimus quatinus per probos et fideles homines patrie per quos rei veritas melius sciri poterit magno sacramento interueniente diligentem et fidelem inquisicionem fieri faciatis si villa de Lummisden cum pertinenciis infra ballivum vestram de priore de Durhame teneatur in capite Et si ab eodem priore teneatur per wardam releuium et maritagium Quod si per dictam inquisicionem diligenter et fideliter factam ita esse inueneritis dictam villam de Lummisden cum pertinenciis dicto priori restitui faciatis indilate sub ipsius warda et dominio remansuram quousque verus heres eiusdem statum legitime recuperauit de eadem Non obstante aliqua concessione vel donacione alicui per nos inde facta vt de warda cum in hoc casu ad nos non pertineat dictam terram cuicumque concedere vt in warda Teste meipso Apud Perth primo die Julii anno regni nostri tricesimo quinto