Charter Document - 07720080
| Charter Number: | 07720080 |
|---|---|
| Cartulary Title: | The History and Antiquities of North Durham between 1000 and 1800 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1327 |
| Date type: | Internal, Calendar, Regnal |
| Resource Link(s): |
Reference Document for this Embedded Document Durham Cathedral Archive - Misc.Ch.634 People of Medieval Scotland |
Charter:
Robertus Dei gracia rex Scottorum capitali forestario foreste nostre de Selkirk qui pro tempore fuerit salutem Sciatis nos propter deuocionem quam habemus erga sanctum Cuthbertum et monasterium suum Dunelmense in honorem ipsius sancti dedisse concessisse et hac presenti carta nostra confirmasse pro nobis et heredibus nostris religiosis viris [] priori et conuentui monasterii Dunelmie ibidem Deo seruientibus et in perpetuum seruituris quinque ceruos annuatim de foresta nostra de Selkirk per liberacionem vestram pro festo suo translacionis sancti Cuthberti Et quod dicti cerui capiantur ad festum assumpcionis beate Marie virginis annuatim et carientur per vos de custagiis nostris vsque prioratum de Coldingham Ita quod in dicto festo sancti Cuthberti ad honorem suum et memoriam nostri ac heredum nostrorum de dictis ceruis valeat perpetuo de seruiri Quare vobis mandamus et precipimus quatinus dictis religiosis aut eorum certis attornatis predictos quinque ceruos vt predictum est sine vlteriori dilacione singulis annis plenius faciatis liberari In cuius rei testimonium has litteras nostras vobis ostendendas et penes dictos religiosos perpetuo remansuras sibi fieri fecimus patentes Apud Neubotill vicesimo sexto [die] Decembris anno regni nostri vicesimo secundo