Charter Document - 07720052

W[illelmus] Dei gratia Rex Scott[orum] Episcopis Abbatibus Comitibus Baronibus Justiciis Vicecomitibus Prepositis Ministris et Omnibus probis Hominibus totius terre sue Clericis et Laicis Salutem Sciant presentes et futuri me concessisse et hac carta mea confirmasse conuentionem factam inter Ecclesiam Sancti Andree et Ecclesiam Sancti Cudberti de Dunelmo et inter Rogerium Electum Sancti Andree et Bertramum priorem et conuentum ecclesie Sancti Cudberti de Dunelmo Scilicet quod prefatus Electus concessit Deo et Sancto Cudberto et prenominato priori et conuentui Dunelmensis ecclesie quod Ecclesia de Coldigham cum capellis ad eam pertinentibus libera sit et quieta sit in perpetuum a Cano et Coneuetho et procurationibus et hospiciis et Omnibus aliis exactionibus et sinodalibus et auxiliis et omnibus aliis tam ab ipso Electo quam a successoribus suis et ab omnibus officialibus Episcopatus Sancti Andree Salua tamen ipsi Electo et successoribus suis canonica iusticia et obedientia Et quod omnes alie parrochiales ecclesie quas prefatus conuentus Dunelmensis ecclesie in Episcopatu Sancti Andree possidet libere sint et quiete in perpetuum a cano et Coneuetho et procurationibus et hospiciis tam a predicto Electo quam a successoribus suis nisi gratis huiusmodi facere uoluerint Nec aliquid in predictis ecclesiis parochialibus magis exigetur ab officialibus episcopatus Sancti Andree quam in Ecclesiis parochialibus Abbatis Kalcoensis uel alicuius Abbatis qui liberius et melius tenet in Episcopatu Sancti Andree Et quando commune auxilium ponetur per totum Episcopatum Sancti Andree prior et predictus conuentus ecclesie Dunelmensis de prescriptis ecclesiis suis parochialibus predicto Electo et successoribus scriptis ecclesiis suis parochialibus predicto Electo et successoribus suis respondebunt Sicut Abbates uel Priores qui liberius tenent in Episcopatu Sancti Andree faciunt de suis Prior itaque et antedictus conuentus Dunelmensis ecclesie habebunt in perpetuum tantam potestatem dignitatem et dispositionem in omnibus ecclesiis suis parochialibus quantamcunque alique abbacie habent in ecclesiis suis que liberius et melius tenent in Episcopatu Sancti Andree Et propter predictas quietantias et libertates et pro bono pacis predictus Bertramus prior et conuentus ecclesie Dunelmensis de consilio et Assensu Hugonis Dunelmensis Episcopi et totius Capituli sui dederunt et concesserunt Deo et ecclesie Sancti Andree et predicto Electo et successoribus eius capellam de Naithanesthurn tenendam et cui uoluerint concedendam in perpetuum liberam et quietam et absolutam tam ab eis quam a matrice ecclesia de Edenham Quare uolo ut ista conuentio prescripta inter prenominatas ecclesias firmiter et inuiolabiliter obseruetur sicut scriptum autenticum inter predictum Electum Sancti Andree et prefatum Bertramum priorem et conuentum Dunelmensis ecclesie factum testatur Testibus Hugone Cancellario meo Erkenbaldo Abbate de Dunfermelin Willelmo Abbate de Sancte Cruce Simone Archidiacono Glasguensi Willelmo Maleuicino Archidiacono Laodonie Rollando filio Uchtredi Comite Dunecano Willelmo de Lindesia Roberto de Londoniis Rannulfo de Solis Willelmo de Ramesh Henrico de Graham Willelmo de Cuninghesburg Apud Edenebur