Charter Document - 07700005
| Charter Number: | 07700005 |
|---|---|
| Cartulary Title: | Some Early de Soulis Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1165 - 1198 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filiis presentibus et futuris Ratius filius Malgeri salutem Sciatis me dedisse et concessisse et hac carta mea confirmasse deo et ecclesie sancte Marie de Jeddewrd et canonicis ejusdem loci in liberam et puram et perpetuam elemosinam pro anima regis David et regis Malcolmi et commitis Henrici et pro salute regis Willelmi et heredum suorum et pro anima mea et antecessorum et heredum meorum totam medietatem illius terre que vocatur Scortebuttes in territorio de Sourebi cum prato et omnibus aliis ad eandem medietatem pertinentibus et unam acram terre arabilis que propior est eidem Scortebuttes ex orientali parte et totam Scawe in campo Sourebi per has divisas scilicet a fonte qui est ex orientali parte illius loci qui dicitur Folefot usque ad ipsum locum Folefot abinde versus occidentem usque ad metam de Spiteltun et per eandem metam descendendo versus aquilonem usque ad metam Scortebuttes et per eandem metam versus orientem usque in illud Holegille quod descendit a supradicto fonte et ita ascendendo versus austrum per idem Holegille usque ad eundem fontem Dedi etiam et concessi et presenti carta confirmavi predictis canonicis unam acram terre arabilis que predicte Scawe adjacet et pertinet que scilicet acra propior est eidem Scawe ex aquilonali parte et communem pasturam ad xl vaccas et totam sequelam earum etatis unius anni et ad duos tauros et x boves et duos equos Dedi etiam et concessi predictis canonicis ut habeant liberum introitum et exitum ad terram et pasturam suam sibi et hominibus et averiis suis cum omnibus libertatibus et aisiamentis predicte ville de Sourebi adjacentibus in bosco et plano in campis et pratis et pascuis in aquis moris et petteriis in viis et semitis et in omnibus aliis prenominate ville pertinentiis Ego autem et heredes mei predictam terram et omnia alia prenominata prefatis canonicis in liberam et puram et perpetuam elemosinam in perpetuum warantizabimus tenendam sibi ita libere et quiete plenaria et honorifice sicut aliquam elemosinam liberius et quietius plenius et honorificentius in regno Scotie tenent et possident Hiis testibus Willelmo de Jonesbi Willelmol filio Helie Adam filio ejus Thome et Adam fratribus meis Hugone de Ueth Simone senescallo Willelmo Franco Blacori et multis aliis