Charter Document - 07680002

Robertus [Dei gracia rex Scottorum] omnibus probis hominibus totius terre sue salutem Sciatis quod comperimus et intelleximus evidenter per inquisitionem de mandato nostro factam et ad capellam nostram retornatam per fideles homines patrie de Anegus videlicet per dominos Alexandrum de Lambertoun et Hugonem de Erth milites Dauid de Innerpefer Dauid de Manich Henricum de Fethy Duncanum Judicem Willelmum de Gourley Patricium de Strevylin Johannem de Tremblay Robertum de Tremblay Johannem de Broxmouth Hugonem de Craumond Thomam Marum Douenaldum Marum Johannem filium Leonis Hugonem filium Leonis Cristinum filium Johannis Ego Marum Willelmum Marum de Brechyn Samuelem de Wylton Richardum filium Thome Willelmum filium Alani Andream filium Nicholai Christinum Gall Rogerum Marum Fynlaum Forestarium Douenaldum de Hibernia Adam Scotthe Morauium de Caithenes Laurentium de Lour Johannem Barb de Monros Christinum Chapman Andream Porter de Forfar Willelmum Scot et Henricum Oglath Quod religiosi viri abbas et conventus de Jedworth prior et canonici eiusdem loci apud Restineth commorantes et ibidem Deo servientes ac hospitalitatem tenentes fuerunt in feodati per reges Scotie predecessores nostros vestiti quoque et saysiti de omnibus et singulis terris reditibus et elemosinis infrascriptis et in plenaria possessione earundem terrarum redituum et elemosinarum tempore bone memorie domini Alexandri Dei gratia regis Scottorum predecessoris nostri vltimo defuncti videlicet de terra de Restinnet super quam ecclesia de Restinet fundata est de Dunynad Dissarth Cragnatherau Pettreychyn Eglispedir Ardworks vno tofto in villa de Perth vno tofto in villa de Forfar et vno tofto in villa de Monros Item de viginti solidis et decem denariis percipiendis per annum de thannagio de Thanahayis de secundis decimis omnium thanagiorum subscriptorum videlicet de Veteri Monros Enney Glammes Kingalteny et Abirlemenach Item de tribus bondagiis de Forfar scilicet Trebog Balmichenor et Esterforfar plenarium decimani perceperunt prout singulis annis as sedata fuerunt Item de decima ville de Monros molendino et piscaria eiusdem et omnium aliarum rerum ad dictam villam pertinentium prout potuerunt as sedari Item de duabus marcis percipiendis per annum de villa de Forfar et de vna marea de molendino eiusdem de centum anguillis de lacu eiusdem de sex marcis de baronia de Ketnes xl solidis et vna petra cere de baronia de Brechin Item de vna petra cere et vna marca de parua Perth de quatuor marcis de Innerlunan Item de integra decima omnium lucrorum finium et escaetorum tam curie justitiario quam vicecomitis infra vicecomitatum de Forfar Item de decima omnium wardarum et re leuiorum ibidem contingentium de decima equitii domini regis in vicecomitatu de Forfar et de decima feni foreste del Plater Item iidem jurati dicunt quod dicti religiosi percipere solebant et [sunt] in plena possessione percipiendi in quolibet adventu regis apud Forfar quolibet die quo ibidem steterit duos panes de dominico quatuor panes de secundo pane et sex panes qui dicuntur hugmars duas lagenas de meliori cervisia duas lagenas de secunda cervisia et duo paria ferculorum de quolibet trium cursuum de coquina Item dicunt quod si dominus rex aliquas terras de predictis terris dominicis suis in manu sua retinuerit non as sedatas plenam inde decimam dabit eisdem religiosis ac si essent in as sedatione Item dicunt quod dicti religiosi perceperunt dictas decimas per manus justiciarii vicecomitis et escaetoris regis ad festa Pentecostes et sancti Martini de vniuersis rebus supradictis Quare volumus et concedimus quod dicti religiosi apud Restinnet residentes omnes terras redditus et elemosinas suprascriptas habeant teneant et possideant adeo libere et quiete pure plenaria et honorifice sicut predecessores ipsorum religiosorum ipsas terras redditus et elemosinas de predecessoribus nostris regibus Scotie liberius quietius purius plenius aut honorificentius tenuerunt seu possederunt aut percipere consueuerunt et quod carte et munimenta quibus dicti religiosi super terris reditibus et elemosinis predictis in feodati fuerant per guerras et alios casus fortuitos perdita sunt et distracta Nos divine caritatis intuitu et pro salute anime nostre et pro salute animarum omnium antecessorum et successorum nostrorum regum Scotie omnes terras redditus et elemosinas suprascriptas per inquisitionem declaratas vt predictum est prefatis religiosis et eorum successoribus approbando et innovando damus concedimus et hac presenti carta nostra confirmamus inperpetuum In cuius rei testimonium [] apud Dundee primo die Martii anno regni nostri sexto decimo