Charter Document - 07670011
| Charter Number: | 07670011 |
|---|---|
| Cartulary Title: | Register of the Abbey of Arbroath. British Library - Add MS 33245 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1189 - 1193 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gracia Rex Scottorum Episcopis Abbatibus Comitibus Baronibus Justiciariis Vicecomitibus prepositis Ministris et omnibus probis hominibus tocius terre sue clericis et laicis Salutem Sciant presentes et futuri me dedisse et concessisse et hac carta mea confirmasse Umfrido filio Theobaldi illas quatuor carucatas terre in Cuneued uersus orientem quas Galfridus de Maleuil et Gillecrist mac inien Samuel et alii probi homines ei per preceptum meum perambulauerunt Et preterea omne jus quod Thainus habere solebat in terra ecclesie de Cuneued et jus aduocacionis eiusdem ecclesie Et preterea totam multuram tocius parochie de Cuneued Quare uolo et firmiter precipio ut predictus Umfridus heredes sui terras predictas cum aduocacione ecclesie et cum rectitudinibus de terra ecclesie ad Thainum pertinentibus et cum multura predicta de me et heredibus meis teneant et possideant in feodo et hereditate in bosco et plano in terris et aquis in pratis et pascuis et omnibus aliis justis pertinentiis cum Sacha et Socha cum tol et them et infangtheif libere et quiete plenaria et honorifice per seruicium dimidii Militis Testibus Comite Dunecano Justicia Gilleberto Comite de Stradherth Comite Patricio Gillebride Comite de Anegus Alano dapifero Willelmo de Moreuill constabulario Waltero de Berk Camerario Geruasio Auenel Waltero de Windesh Radulfo de Ver Henrico de Graham Johanne de Hasting Philippo marescallo Apud Forfar