Charter Document - 07670010
| Charter Number: | 07670010 |
|---|---|
| Cartulary Title: | Register of the Abbey of Arbroath. British Library - Add MS 33245 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1189 - 1193 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gracia Rex Scottorum Episcopis Abbatibus et Comitibus Baronibus Justiciis Vicecomitibus prepositis ministris et omnibus probis hominibus tocius terre sue clericis et laicis salutem Sciant presentes et futuri me dedisse et concessisse et hac carta mea confirmasse Agacie uxori Umfridi filii Teodbaldi illas quatuor carucatas terre in Coneued uersus orientem quas Galfridus de Maleuill et Gillecrist mac inien Samuel et alii probi homines mei ei per preceptum meum perambulauerunt quas eidem Agacie dedi in escambium terre de Arduuen quam ab ea cepi Et preterea omne jus quod Thainus habere solebat in terra ecclesie de Cuneued et jus aduocacionis eiusdem ecclesie tenenda sibi et heredibus suis de me et heredibus meis in feodo et hereditate in bosco et plano in pratis et pascuis cum jure aduocacionis predicte ecclesie et cum rectitudinibus que de terra ecclesie ad theinum pertinebat et cum omnibus aliis ad prefatas quatuor carucatas terre juste pertinentibus cum socca et sacca cum tol et them et infangenthef libere et quiete plenaria et honorifice per seruicium dimidii Militis Testibus Hugone Cancellario meo Henrico Abbate de Aberbrothoc Ricardo de prebenda Comite Dunecano Justicia Comite Gilberto Gillecrist comite de Mar Fergus Comite de Buchan Rannulfo de Sull Willelmo Cumyn Willelmo de Haya Willelmo de Muntford Apud Forfar