Charter Document - 07670008
| Charter Number: | 07670008 |
|---|---|
| Cartulary Title: | Register of the Abbey of Arbroath. British Library - Add MS 33245 |
| Charter Language: | Latin |
| Charter Origin: | Lay |
| Charter Type(s): | Perambulation |
| Date: | 1199 - 1214 |
| Date type: | Assigned |
| Resource Link(s): |
People of Medieval Scotland |
Charter:
Gilbertus Comes de Strathern Bricio Judici domini Regis Bozli Judici Mernis Morahe Macenprior et omnibus aliis viventibus presens scriptum visuris vel audituris qui ad perambulacionem terre Galfridi de Malevilla et terre illius quam modo tenet Robertus filius Warnebald fuerunt salutem et amicicias Noveritis me et Matheum Episcopum de Aberden et Bricium Judicem domini Regis et Morahe Macenprior et multos alios quorum quidam vivunt quidam defuncti sunt interfuisse ex precepto domini Regis ad perambulacionem terre Galfridi de Malevilla et terre illius quam prenominatus Robertus filius Warnebald tenet in presenti et nos terras illas juste et legitime pro posse nostro in divisis legitimis earundem perambulasse in tantum quod nos qui in fueramus ex parte domini Regis et sepe nominatus Galfridus in unum tunc temporis convenimus Unde michi vestri amico est consilium salubre ne divisas predictarum terrarum a tam probis et sapientibus hominibus perambulatis in aliquo transmutetis Valete