Charter Document - 07670007
| Charter Number: | 07670007 |
|---|---|
| Cartulary Title: | Register of the Abbey of Arbroath. British Library - Add MS 33245 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1315 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia rex Scottorum vicecomiti et balliuis suis de Forfar qui pro tempore fuerint salutem Sciatis quod veraciter intelleximus quod religiosi viri abbas et conuentus de Abirbrothoc percipere consueuerunt singulis annis decem marcas de thanagio de Monifoth ad sustentandum luminare circa tumbam bone memorie domini Willelmi regis Scocie et centum solidos nomine ecclesie Cantuariensis de firmis et reditibus nostris per vos infra balliam vestram leuandis quas quidem decem marcas vna cum centum solidis predictis eisdem religiosis persolui volumus perpetuo per manus vestras singulis annis ad terminos consuetos Quare vobis mandamus et firmiter precipimus quatinus abbati et conuentui de Abirbrothoc dictas decem marcas et centum solidos ut predictum est integraliter persoluatis seu persolui faciatis annuatim ad terminos supradictos Et nos dictam pecuniam vobis in compotis vestris annis singulis faciemus plenius allocari In cuius rei testimonium has litteras nostras patentes vobis ostendendas dictis religiosis fieri fecimus perpetuo duraturas Datum apud Inuerkethyn decimo die Octobris anno regni nostri decimo