Charter Document - 07670004
| Charter Number: | 07670004 |
|---|---|
| Cartulary Title: | Register of the Abbey of Arbroath. British Library - Add MS 33245 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1312 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia rex Scottorum omnibus probis hominibus tocius terre sue salutem Sciatis quod caritatis intuitu de gracia nostra speciali religiosis viris abbati et conuentui de Abirbrothoc concessimus ut nullus infra monasterium suum uel grangias suas seu prioratus suos sine ipsorum voluntate admittatur preter religiosos pauperes quos benigne committere voluerint nec aliquid capiatur a burgensibus suis infra burgum suum de Abirbrothoc nec infra terras seu baronias dictorum religiosorum sine racionabili placamento secundum forum patrie saluis prisis nostris et heredum nostrorum propriis causa necessitatis si alibi in partibus circumiacentibus non poterunt inueniri Quare firmiter prohibemus ne quis contra hanc concessionem nostram dictos abbatem et conuentum aut burgenses uel homines suos in dictis monasterio grangiis prioratibus uel domibus suis commorantes grauare molestare seu perturbare presumat iniuste super nostram plenarium foris facturam In cuius rei testimonium has litteras nostras inperpetuum duraturas dictis abbati et conuentui fieri fecimus patentes Testibus Eduardo de Brus domino Galwidie dilecto fratre nostro Thome Ranulphi domino Wallis de Annanth dilecto nepote nostro Johanne de Menteth Gilberto de Haya constabulario nostro Scocie Roberto de Keyth marescallo nostro Scocie Willelmo de Veteri Ponte et Hugone de Eith militibus Apud Dunde xii die Aprilis anno regni nostri septimo