Charter Document - 07670003
| Charter Number: | 07670003 |
|---|---|
| Cartulary Title: | Register of the Abbey of Arbroath. British Library - Add MS 33245 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1310 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia rex Scottorum dilectis capellanis nostris abbati et monachis monasterii de Abirbrothoc salutem Intelleximus quod domus vestra per predecessores nostros reges Scocie fundata et tam pia liberalitate aliorum fidelium regni nostri quam dictorum predecessorum nostrorum et nostra diuersarum elemosinarum largicionibus augmentata per multiplicem et inutilem solucionem pensionum nimis deprimitur et grauatur per quos non solum nulla uel modica dicte vestre domui crescit vtilitas verum eciam perdicio prouenit et iactura Quare vobis in fide et fidelitate quibus nobis tenemini tenore presencium inhibemus ne aliquas pensionum soluciones de cetero faciatis quibuscunque personis dicti domui non proficientibus et precipue se habentibus extra regnum nisi per quas nos cum nostro consilio aperte viderimus quod veraciter dicte domus commodum fieri poterit in effectu In cuius rei testimonium presentibus litteris sigillum nostrum secretum precepimus apponi Apud Monros die tercio mensis Decembris anno regni nostri quinto