Charter Document - 07600003
| Charter Number: | 07600003 |
|---|---|
| Cartulary Title: | Muniments of the Royal Burgh of Irvine, Volume 1 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1322 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia Rex Scottorum omnibus probis hominibus tocius terre sue salutem Sciatis nos concessisse et hac presenti carta nostra confirmasse burgensibus de Irwyn et eorum successoribus infra dictum burgum manentibus quod liberi sint et quieti de Teloneo et omni consuetudine de dominicis catallis suis per totum regnum nostrum prout in carta venerande memorie domini Alexandri secundi quondam regis Scottorum predecessoris nostri eisdem burgensibus exinde confecta plenius continetur Adjicimus eciam et concedimus ac presenti carta nostra confirmamus pro nobis et heredibus nostris eisdem burgensibus et eorum successoribus quod a teloneo quod solvere solebant in burgo nostro de Are ante presentem concessionem nostram liberi sint omnino et inperpetuum quieti Quare firmiter prohibemus ne quis contra hanc concessionem nostram ipsos burgenses aut eorum successores vexare gravare seu inquietare presumat super nostram plenarium foris facturam In cujus rei testimonium presenti carte nostre sigillum nostrum fecimus apponi Testibus Bernardo abbate de Abirbrothoc cancellario nostro Waltero Senescallo Scocie Jacobo domino de Duglas Gilberto de Haia constabulario nostro et Roberto de Keth marescallo nostro militibus Apud Glasgu duodecimo die Maij anno regni nostri septimo decimo