Charter Document - 07600001

Anno gratie millesimo ducentesimo quinto die Lune in vigilia Sancti Mathei apostoli in villa de Irving hec est communicatio facta inter burgenses et totam communitatem ville predicte ex parte una et Bricium de Eglunstone filium quondam Eglun domini de Eglunstone ex parte altera videlicet Quod burgenses et tota communitas ville predicte unanimi consensu et assensu eorundem unanimiter concesserunt dederunt et ad feodi firmam dimiserunt dicto Bricio de Eglunstone illas viginti acras terre integras in tenemento de Eglunstone quas Radulphus filius et heres quondam Hugonis domini de Eglunstone burgensibus et communitati predictis pro quadam finali concordia inter eosdem quondam facta dedit concessit et perpetuo mancipavit per has metas et differentias Incipiendo scilicet apud Le Burghfauld ad superiorem finem predictarum viginti acrarum versus boream et sic descendendo versus orientem per quendam dictum usque Glyblanysburn et sic descendendo versus austrum per Glyblanysburn predictum usque perveniatur ad fines del Moorsend metantes cum terra Rodalphi domini de Eglunstone et sic ascendendo versus occidentem per Moorasydes usque perveniatur ad Rebuccam communem del Hyppriddynges et sic ascendendo versus Boream per fines del Hyppriddynges predictorum usque perveniatur ad quendam dictum spineum qui dicitur Hawthorne qui dictus est meta inter dictas viginti acras et terram de Benislay et sic ex transverso versus orientem per Rebuccam communem jacentem inter predictas viginti acras et terram de Benislay usque perveniatur ad quendam cumulum lapideum et sic ascendendo ex transverso de dicto cumulo lapideo per dictam Rebuccam comunem versus orientem usque perveniatur in dictum predictum qui dicitur le burghfauld dyke Tenendas et habendas predicto Bricio heredibus suis et suis assignatis burgensibus et communitate predictis ad feodo firmam per metas supradictas cum omnibus justis pertinentiis suis et aisiamentis et liberis consuetudinibus ad predictas viginti acras terre infra metas suas predictas de jure spectantibus et in futuro de jure spectare valentibus Reddendo inde annuatim dictus Bricius heredes sui vel sui assignati in ecclesia parochiali de Irving ad festum Sancti Jacobi apostoli in estate burgensibus et communitati predictis decem solidos sterlingorum nomine feodi firme libere et quiete bene et pacifice plenaria et honorifice ab omni alio onere exactione servili opere et demanda seculari dictus vero Bricius se in hoc presenti scripto obligat et heredes suos et suos assignatos et tam terram suam de Benislay cum pertinentiis quas dictas viginti acras terre predicte cum suis pertinentiis ac omnia alia bona sua mobilia et immobilia ubicumque sunt inventa sine aliqua contradictione legitime fore distringenda quibuscunque burgensibus et communitati predictis de dicta feodo firma sua in omnibus plenaria et integre fuerint satisfactioni nullo obstante proponendo Sciendum est preterea quod dictus Bricius nec heredes sui nec sui assignati post eorum predecessorum obitum dictam feodo firmam nullo modo duplicabunt et si contingat dictum Bricium heredes suos vel suos assignatos seu eorum homines dictas viginti acras terre inhabitantes in curia dictorum burgensium et communitatis predicte quocunque casu adveniente emere conarere eorum merciamentum prout justum fuerit capiatur dicti vero burgenses et communitas predicta dictas viginti acras terre predicte eum omnibus justis pertinentiis suis infra metas suas predictas ut predictum est contentis predicto Bricio heredibus suis et suis assignatis contra omnes homines et feminas warantizabunt acquietabunt et defendent in perpetuum Et ad majorem hujus rei in omnibus premissis securitatem dictus Bricius pro parte sua burgensibus et communitati predictis Rodalphum dominum de Eglunstone fratrem suum invenit fide jussorem et debitorem pro se et heredibus suis principalem In quorum omnium et singulorum premissorum testimonium uni parti presentis scripti chirographici penes dictum Bricium heredes suos et assignatos suos remanenti comune sigillum burgensium et communitatis predictorum est appensum et alteri parti predicti scripti penes dictos burgenses et communitatem predictam remanenti sigilla predicti Brycii et Rodalphi sunt appensa Hisce testibus domino Godolpho de Rosse domino Roberto Boyd domino Bricio de Blair militibus Fergusio de Rosse Arthuro de Rosse fratribus Gulielmo Kerr Alexandro del Blair et multis aliis