Charter Document - 07590004
| Charter Number: | 07590004 |
|---|---|
| Cartulary Title: | Original Charters of the Abbey of Cupar, 1219-1448 |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1220 |
| Date type: | Internal, A.D. |
| Resource Link(s): |
|
Charter:
Anno ab incarnatione Domini MCCXX facta est hec conuentio inter dominum Alexandrum abbatem de Cupro et eiusdem loci conuentum ex una parte et dominum Robertum de Haya ex alia scilicet quod dictus Robertus de Haya dedit ad firmam dicto abbati et monasterio de Cupro ecclesiam suam de Erolin cum omnibus pertinentiis suis Tenendam omnibus diebus uite sue Reddendo ei inde annuatim quadraginta marcas argenti scilicet viginti marcas ad festum Sancti Martini et viginti marcas ad Pentecosten Sciendum uero est quod dicti monachi dederunt per manibus dicto Roberto firmam quatuor annorum scilicet anni Domini millessimi CC vicesimi primi et vicesimi secundi et vicesimi tercii et vicesimi quarti Ita quod predicti monachi soluere incipient firmam dicto Roberto anno MCCXXV ad festum Sancti Martini Preterea prefati monachi honestum prouidebunt capellanum qui honeste deseruiat prefate ecclesie de Erolin et episcopo respondebunt de episcopalibus et ceteris eidem de jure pertinentibus Hanc autem conuentionem bona fide et sine dolo tenendam dictus abbas de Cupro pro se et conuentu suo coram domino Willelmo episcopo Sancti Andree firmiter promisit et dictus Robertus de Haya pro se affidauit Vt autem hec conuentio rata et stabilis permaneat dominus Willelmus episcopus Sancti Andree et magister Laurencius archidiaconus Sancti Andree sigilla sua huic cyrographo cum sigillis peritum apposuerunt Hiis testibus de Sancto Germano Roberto magistro Thome de Tynemuh magistro Ricardo de Doure magistro Petro de Driburc domino Petro et domino Simone capellanis Johanne de Haya Hugone de Nidin Simone de Nusi Willelmo de Nidin Mauricio de Kindeloch Gibun de Haya Ricardo camerario Ricardo de Lidel Ricardo de Tuyford et multis aliis