Charter Document - 07580011
| Charter Number: | 07580011 |
|---|---|
| Cartulary Title: | Charters of the Royal Burgh of Ayr |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1260 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gracia rex Scottorum omnibus probis hominibus tocius terre sue salutem Sciant presentes et futuri nos concessisse et hac carta nostra confirmasse burgensibus nostris de Are ut ipsi ad melioracionem burgi nostri de Are habeant quolibet anno apud Are nundinas ad festum nativitatis sancti Johannis Baptiste durantes per quindecim dies sequentes Tenendas et habendas eisdem burgensibus cum omnibus libertatibus et consuetudinibus nundinarum adeo libere et quiete sicut alii burgenses regni nostri in aliis burgis nostris libertates et consuetudines nundinarum liberius et quiecius habent et possident Volumus eciam et concedimus eisdem burgensibus ut ipsi liberi sint ab omnimodis capcionibus et prisis per quecunque tam extra villam de Are quam infra capiendis exceptis nostris propriis capcionibus et prisis et Regine sponse nostre Et firmiter prohibemus ne quis eos contra hanc concessionem nostram injuste vexare presumat super nostram plena riam foris facturam decem librarum Testibus Alexandro Cummyne comite de Buchane justiciario Scocie Patricio comite de Dunbar Eymero de Maccuswell camerario Hugone de Abbirnythyn et Waltero senescallo Apud Trauequere duodecimo die Decembris anno regni nostri duodecimo