Charter Document - 07580005
| Charter Number: | 07580005 |
|---|---|
| Cartulary Title: | Charters of the Royal Burgh of Ayr |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1236 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gracia rex Scottorum omnibus probis hominibus tocius terre sue salutem Sciatis presentes et futuri nos tradidisse ad feodo firmam burgensibus nostris de Are quinque nummatas terre in Kyle scilicet Auilwey et Crottun et Gorteloy Tenendas et habendas eisdem burgensibus inperpetuum de nobis et heredibus nostris libere quiete plenaria Reddendo annuatim decem libras medietatem ad festum Sancti Martini et medietatem ad Pentecosten et faciendo forinsecum servitium quod pertinet ad dictas terras Ita quod de vivo bosco in dictis terris non ardebunt nec dabunt nec vendent nec aliquo modo destruent set solummodo capient quod necessarium est ad propria edificia sua de Are et ad proprias naves suas de Are faciendas Testibus Waltero filio Alani Senescalli justiciario Scocie Waltero Olifard justiciario Laodonie Johanne Byset David de Lyndeseia Waltero Byset Archibaldo de Duueglas Adam de Logan Apud Are vicesimo die Aprilis anno regni domini regis vicesimo secundo