Charter Document - 07580003

Alexander Dei gracia rex Scottorum omnibus probis hominibus tocius terre sue clericis et laicis salutem Sciant presentes et futuri me concessisse et hac carta mea confirmasse burgo meo super Are et burgensibus meis in eodem burgo manentibus omnes libertates et omnes liberas consuetudines quas alii burgi mei et burgenses mei in eis manentes per regnum meum habent Et ut habeant in eodem burgo meo super Are quolibet die Sabbati diem fori Concessi etiam burgensibus qui illuc venient ad burgum meum in habitandum et ibi sedentes et manentes erunt ut quieti sint de tolneio et omni alia consuetudine per totam terram meam de dominicis catallis suis Prohibeo itaque firmiter ne quis in regno meo ab aliquo illorum tolneium aut aliquam aliam consuetudinem de dominicis catallis suis exigat super meam plenarium foris facturam Concessi etiam eidem burgo meo et burgensibus meis qui in burgo illo sedentes et manentes erunt quinque nummatas terre que pertinent ad villam de Are per divisas inferius scriptas scilicet de Inverdone sursum usque in Inverpolcurtecane et de Inverpolcurtecane sursum usque ad Crottune et sic per Curtecane usque ad caput Curtecane et sic a capite Curtecane ascendendo per Bogheskene usque ad Monedamdereg et sic a Monedamdereg per sicum usque in Monemethonac et a Monemethonac per sicum usque in Polleclevane et sic per Polleclevane usque in Lochfergus et sic a Lochfergus descendendo usque in Dufhate et a Dufhate descendendo per sicum usque ad rivulum ex orientali parte Drumnesauel et a rivulo Drumnesauel descendendo in sicum ex occidentali parte illius rivuli et sic per sicum illum usque in Polleclonecrangali et sic per Polleclonecrangali usque in Dufloch et inde usque in Pollemuline et sic per Pollemuline descendendo usque in Are et sic per Are descendendo usque in mare Concessi etiam burgensibus meis ibidem manentibus ut cum quo libet plenario tofto suo habeant sex acras terre quas de bosco exstirpaverunt infra predictas quinque nummatas terre ad faciendum inde commodum suum Reddendo annuatim michi pro quolibet tofto et sex acris terre illi adjacentibus duodecim denarios Mando itaque et firmiter precipio ut omnes homines qui cum mercaturis suis ad vendendum et emendum ad illum pre dictum burgum meum venerint firmam pacem meam habeant et forum exer ceant et in bene et in pace redeant Precipio etiam firmiter ut apud Mach et Karnebuth et Lowdoune et Crossenetone et Lachtalpine tolneium et alie consuetudines que burgo debentur dentur et recipiantur Prohibeo itaque firmiter ne quis tolneium aut aliquam aliam consuetudinem quam predicto burgo meo de racione facere debet ultra divisas predictas asportare presumat super meam plenarium foris facturam Si quis vero tolneium aut aliquam aliam consuetudinem predicti burgi mei ultra predictas divisas asportare presump serit precipio firmiter ut omnes homines infra predictas divisas manentes sint auxiliantes servientibus meis ad adquirendum ius meum et ad capiendum et attachiandum illum qui tolneia aut aliquam aliam consuetudinem ad predictum burgum meum pertinentem ultra predictas divisas asportaverit vel asportare contenderit sicut carta domini regis Willelmi patris mei testatur Testibus Waltero filio Alani senescalli Waltero Olifard justiciario Laodonie Ingelramo de Balliol Henrico de Balliol camerario Henrico de Strivelin filio comitis David Dunecano filio Gilleberti Johanne de Maccuswele Reginaldus Crauford vicecomite de Are Waltero Biset Apud Are nono die Maij anno regni nostri nono