Charter Document - 07580001

Willelmus Dei gracia rex Scottorum episcopis abbatibus comitibus baronibus justiciariis vicecomitibus prepositis ministris et omnibus probis hominibus tocius terre sue clericis et laicis salutem Sciatis presentes et futuri me ad novum castellum meum super Are burgum fecisse et eidem burgo et burgensibus meis in eo manentibus omnes libertates et omnes liberas consuetudines concessisse quas alii burgi mei et mei burgenses in eis manentes per regnum meum habent Assedi etiam in eo quolibet die Sabbati diem fori Concessi ut burgensibus qui illuc venient ad burgum meum inhabitandum et ibi sedentes et manentes erunt ut quieti sint a tolneio et omni alia consuetudine per totam terram meam de dominicis catallis suis Prohibeo itaque firmiter ne quis in regno meo ab aliquo illorum tolneium aut aliquam aliam consuetudinem de dominicis catallis suis exigat super meam plenarium foris facturam Concessi etiam eidem burgo meo et burgensibus meis qui in burgo illo sedentes et manentes erunt quinque nummatus terre que pertinent ad villam de Are per divisas inferius scriptas scilicet de Inverdon sursum usque in Inverpolcurtecan et de Inverpolcurtecan sursum usque ad Crottun et sic per Curtecan usque ad caput Curtecan et sic a capite Curtecan ascendendo per Boghesken usque ad Monedamdereg et sic a Monedamdereg per sicum usque in Monemethonac et a Monemethonac per sicum usque in Polleclevan et sic per Polleclevan usque in Lochfergus et a Lochfergus descendendo usque in Dufhat et a Dufhat descendendo per sicum usque ad rivulum ex orientali parte Drumnesauel et a rivulo Drumnesauel descendendo usque in sicum ex occidentali parte rivuli illius et sic per sicum illum usque in Polleclonecrangali et sic per Polleclonecrangali usque in Dufloch et inde usque in Pollemulin et sic per Pollemulin descendendo usque in Are et sic per Are descendendo usque in mare Concessi etiam burgensibus meis ibidem manentibus ut cum quolibet plenaria tofto suo habeant sex acras terre quas de bosco exstirpaverunt infra predictas nummatas terre ad faciendum inde commodum suum reddendo annuatim mihi pro quolibet tofto et sex acris illi adjacentibus duodecim denarios Mando itaque et firmiter precipio ut omnes homines qui cum mercaturis suis ad vendendum et emendum ad illum predictum burgum meum venerint firmam pacem meam habeant et forum exerceant et in bene et pace redeant Precipio etiam firmiter ut apud Mach et Karnebuth et Lowdun et Croseneton et Lachtalpin tolneium et alie consuetudines que burgo debentur dentur et recipiantur Prohibeo itaque firmiter ne quis tolneium aut aliquam aliam consuetudinem quam predicto burgo meo de ratione facere debet ultra predictas divisas asportare presumat super meam plenarium foris facturam Si quis vero tolneium vel aliquam aliam consuetudinem predicti burgi mei ultra predictas divisas asportare presumpserit precipio firmiter ut omnes homines infra predictas divisas manentes sint auxiliantes servientibus meis ad adquirendum jus meum et ad capiendum et attachiandum illum qui tolneia aut aliquam aliam consuetudinem ad predictum burgum meum pertinentem ultra predictas divisas asportaverit vel asportare contenderit Testibus Florentio electo Glasguensi cancellario meo Waltero et Willelmo capellanis meis Philippo de Valoniis camerario meo Roberto de Londoniis filio meo Willelmo de Boscho et Hugone clericis meis Willelmo de Valoniis Thome de Colevill Reginaldo de Crauford Apud Lanarc vigesimo primo die Maii