Charter Document - 07570004
| Charter Number: | 07570004 |
|---|---|
| Cartulary Title: | Munimenta Fratrum Predicatorum de Are; Charters of the Friars Preachers of Ayr |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1329 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia Rex Scottorum camerario suo Scocie qui pro tempore fuerit salutem Sciatis quod dedimus et per literas nostras confirmavimus religiosis viris priori et conventui Fratrum Predicatorum de Are viginti libras sterlingorum de elemosina nostra speciali pro sustentacione ecclesie et domorum suarum percipiendas sibi annuatim de primis firmis molendinorum nostrorum et burgi nostri de Are ad terminos Pentecostes et sancti Martini in yeme pro equali porcione Quare vobis mandamus et precipimus quatinus dictas viginti libras sterlingorum predictis religiosis de primis firmis molendinorum et burgi nostri de Are predictorum ad terminos Pentecostes et sancti Martini ut predictum est plenaria persolvi faciatis indilate et quod in hoc apposueritis vobis in compotis vestris singulis annis reddendis plenius faciemus allocari In cuius rei testimonium has literas nostras vobis ostendendas et penes predictos religiosos perpetuo remansuras fieri fecimus patentes Apud Gervan sexto die Februarij anno regni nostri vicesimo tercio