Charter Document - 07570003
| Charter Number: | 07570003 |
|---|---|
| Cartulary Title: | Munimenta Fratrum Predicatorum de Are; Charters of the Friars Preachers of Ayr |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1329 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia Rex Scottorum omnibus probis hominibus tocius terre sue salutem Sciatis nos pro salute anime nostre et pro salute [animarum antecessorum] et successorum nostrorum regum Scocie dedisse concessisse et per presentes literas nostras confirmasse religiosis viris priori et conventui fratrum Predicatorum [de] Are viginti libras sterlingorum de elemosina nostra speciali pro sustentacione ecclesie et domorum suarum percipiendas sibi [annuatim de primis firmis] molendinorum nostrorum et burgi nostri de Are ad terminos Pentecostes et Sancti Martini in hyeme pro equali porcione [per manus Camerarij] nostri Scocie et ministrorum suorum qui pro tempore fuerint absque aliqua contradictione In cuius rei testimonium has literas nostras perpetuo duraturas [sibi fieri fecimus] patentes Apud Gervan in Carrick sexto die Februarij anno regni nostri vicesimo tercio