Charter Document - 07560044
| Charter Number: | 07560044 |
|---|---|
| Cartulary Title: | Registrum Domus de Soltre. Charters of the Hospital of Soltre, of Trinity College, Edinburgh, and other Collegiate Churches |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1273 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia Rex Scottorum venerabili patri in Christo Robertus eadem gratia episcopo Glasguensis salutem Mittimus de verbo ad verbum inquisicionem factam apud Roxburgh super contencione mota inter magistrum et fratres de Soltr ex vna parte et Walterum de Morauia militem ex altera que talis est Inquisicio facta per preceptum domini regis in pleno comitatu comitatus de Roxburgh die Martis proxima post vicesimum diem natalis Domini anno [MCC] septuagesimo primo per antiquiores patrie qui melius veritatem super hoc nouerint scilicet per Ricardum Jambis sectatorem baronie de Ecfurde et per quatuor de fidelioribus hominibus tocius baronie et per Hugonem sectatorem baronie de superiori Cralyng et per quatuor de fidelioribus hominibus tocius dicte baronie et per Ricardum sectatorem baronie de Heton et per quatuor fidelioribus eiusdem baronie si quondam dominus Walterus Olifard et dominus Dauid Olifard antecessores domini Walteri de Morauia de singulis carrucis infra terram de Cralyng et de Smalham tam de propriis carrucis quam de carrucis bonorum vnam thravam bladi domui de Soltr singulis annis dare solebant Qui omnes iurati dixerunt quod fratres dicte domus de Soltr et attornati eorum hoc per multa tempora recipere consuerunt et de domino Waltero de Morauia et de hominibus suis dictum bladum receperunt In cuius rei testimonium sigillum nostrum apponi fecimus presenti scripto Testibus meipso apud Calcov quinto decimo die Aprilis anno regni nostri vicesimo quarto