Charter Document - 07560007
| Charter Number: | 07560007 |
|---|---|
| Cartulary Title: | Registrum Domus de Soltre. Charters of the Hospital of Soltre, of Trinity College, Edinburgh, and other Collegiate Churches |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1195 - 1199 |
| Date type: | Assigned |
| Resource Link(s): |
|
Charter:
Willelmus Dei gracia Rex Scottorum episcopis abbatibus comitibus baronibus iusticiariis vicecomitibus prepositis ministris et omnibus probis hominibus tocius terre sue salutem Sciant presentes et futuri me dedisse et concessisse et hac presenti carta mea confirmasse Deo et hospitali Sancte Trinitatis de Soltre omnes donaciones terrarum et hominum et elemosinarum que eis racionabiliter date sunt in omnibus rebus et possessionibus mundanis in terra mea Quare volo et firmiter precipio ut predictum hospitale et fratres ibidem Deo seruientes omnes possessiones et elemosinas suas habeant et teneant cum socca et sacca cum tolle et them et infangenthef et cum omnibus aliis libertatibus et liberis consuetudinibus et quietanciis suis in bosco et plano in pratis et pascuis in aquis et molendinis in viis et semitis in moris et marresiiis in stagnis et viuariis in grangiis et virgultis infra burgum et extra et in omnibus rebus liberas et quietas de placitis et querelis et scutagio auxilio assisis et de operacione castellorum et poncium et de blodwyte et de fehtwyte et quietas de omni tolloneo et passagio et pontagio et lestagio et estalagio et de omni seculari seruicio et opere seruili et exactione et de omnibus aliis consuetudinibus secularibus excepta sola iusticia mortis et membrorum et exceptis quatuor querelis que ad coronam meam pertinent scilicet de roberia de murdir de combustione de femina efforciata Quare volo et firmiter precipio ut fratres antedicti omnia prescripta habeant et teneant in liberam et perpetuam elemosinam pro amore Dei et pro anima regis Dauid aui mei et regis Malcolmi fratris mei et pro anima comitis Henrici patris mei et omnium antecessorum et heredum meorum Testibus Hugone cancellario meo Ricardo de prebenda clerico meo Ricardo et Waltero capellanis meis Rolando filio Utredi iusticia Waltero de Lyndissay iusticiario Willelmo Cumin Willelmo de Someruilla Thome de Coleuile Philippo Marescallo Datum quinto die Augusti apud Hadyngton