Charter Document - 07550158

Omnibus Christi fidelibus ad quos presens scriptum pervenerit Alexander Cumyn comes de Buch constabularius et justiciarius Scotie Patricius comes de Dunbar Mallisius comes de Stratherin Malcolmus comes de Levenax Robertus de Brus comes de Carric Douenaldus comes de Mar Gilbertus comes de Anegus Walterus comes de Menetht Willielmus comes de Ross Willielmus comes de Suthirland Magnus Comes de []aelin Duncanus comes de [] et Johannes comes Athol tunc []lleti [] Robertus de Brus Fratri Jacobus senescall Scotie Johannes de Balliolo Johannes Cumyn Willelmus de Soulys tunc justic Laodon Ingeramus de Gynis Willielmus de Moravia filius Walterus de Moravia milites Alexander de [] Holo Reginaldus le Chen P Willelmo de Sancto Claro Ricardus Syward Willelmus de Brechyn Nicholaus de Haya Henricus de Graham Ingeramus de Balliolo Alanus filius comitis Reginaldus le Chen filius I [] de Lindesey Patricius []raham []tus de Maciswell Simon fraser Alexander de Orgadia Anegus filius Douenaldi et Alanus filius Rotherici barones regni Scotie salutem in Domino Noveritis quod sicut cum placuit Altissimo dominus noster Alexander primogenitus filius [] Alexandri viam sit universe carnis ingressus nulla prole legitima immediate de corpore dicti Regis superstite Obligamus nos et heredes nostros arctius per presentes dicto domino nostro Regi et heredibus suis de corpore suo immediate vel mediate [] dentibus que de jure ad successionem ipsius debent admitti et in fide et fidelitate quibus eis tenemur firmiter et fideliter promittimus Quod si contingat dictum dominum nostrum Regem filio aut filia filijs aut filiabus legitimis de corpore suo non extantibus vel de corpore dicti Alexandri filij sui diem suum extremum claudere in hac vita Nos omnes et quilibet nostrum inclitam puellam Margaretam filiam filie dicti domini nostri regis Margareta bone memorie quondam Regine Norwagie genitam de domino Erico Rege Norwagie illustri recipiemus et prolem legitimam ex ea descendentem in dominam nostram et rectam heredem dicti domini nostri Regis Scotie de toto regno [] de Insula Mannie et de omnibus alijs insulis ad dictum regnum Scotie pertinentibus necnon et de Tyndallia et de Penereth cum alijs omnibus []s juribus et libertatibus ad dictum dominum Regem Scotie spectantibus vel spectare debentibus et [] sua contra omnes qui vivere aut [] possunt manu tenebimus sustinebimus et defendemus pro totis viribus nostris et toto posse nostro Promittimus insuper fideliter et fide et fidelitate quibus dicto domino nostro regi et posteritati sue tenemur eidem domino Regi et executoribus testamenti [] fecerit et duobus ex eis et etiam uni eorum et nos et heredes nostros ad hoc strictissime obligamus et quilibet nostrum per se singulariter obligatus est modo predicto quod quandocunque contigerit ipsum dominum Regem mori et aliqui ballivi [] ores quicunque rebelles fuerint et noluerint suis terminis ea que debentur eidem domino Regi solvere dictis executoribus qui se de testamento ipsius intro miserint ad perficiendam et ad implendam ultimam voluntatem [] in vita sua disposuerit nos heredes nostri et quilibet nostrum et heredum nostrorum dictos ballivos et debitores rebelles artius [] potestatem nostram una cum [] executoribus vel aliquo eorundem distringi faciemus donec de omnibus et singulis debitis dicti domini Regis eisdem executoribus plenaria satisfecerint et de rebellione emendam prestiterint competentem subjicientes nos et heredes nostros et quemlibet nostrum se et heredem suum [] per se jurisdictioni et cohercioni venerabilium patrum episcopum Sancti Andree Glasguen Dunkelden Abirdon Moravien Brech Galwathien Dunblan Catan Ergadien et [] qui pro tempore fuerint ut predicti episcopi omnes vel eorum aliqui vel aliquis possint et possit nos et heredes nostros et quemlibet nostrum et heredum nostrorum per censuram ecclesiasticam cogere et cohercere ad observandum firmiter tenendum et ad implendum omnia et singula supradicta In cujus rei testimonium plures de nobis apponi fecerunt sigilla sua huic scripto Datum apud Scon quinto die Februarij anno gratie millesimo ducentesimo octogesimo tertio et anno regni domini nostri Regis tricesimo quinto