Charter Document - 07550157
| Charter Number: | 07550157 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1255 |
| Date type: | Assigned |
| Resource Link(s): |
|
Charter:
Rex omnibus [] salutem Noveritis quod cum dilectos et fideles nostros Ricardus de Clare comitem Gloucestrie et Hertford et Johannem Maunsell prepositum Beverlaci ad dilectum filium et fidelem nostrum Alexandrum regem Scotie illustrem et karissimam filiam nostram Margaretam reginam Scotie sponsam suam misissemus ut dicti Rex et Regina ad nos personaliter nobiscum super utilitate et commodo ipsorum accederent tractaturi Ac dicti fideles nostri consiliarios prefati Regis tunc temporis rebelles mandato nostro et dicto domino suo non tantum inutiles set graves magis invenissent Propter quod Malcolmus comitem de Fyf Patricius comitem de Dunbar Malise comitem de Strathern Nigellus comitem de Carrik Robertum de Brus Alexandrum senescallum Scotie Alanum Hostiarium Walterum de Moravia David de Lindes Willielmum de Brechin Robertum de Meyners Hugonem Giffard Walterum senescallum Gilbertum de Haya Johannem de Craunford Hugonem de Craunford et Willielmum Calbrah per quorum consilium dicti Rex et Regina ad nos accesserant ad se attraxissent Nos eisdem bona fide promittimus pro nobis et heredibus nostris quod si dictus Rex Scotie vel dicti rebelles vel complices aut fautores eorum dictos nobiles vel heredes suos aliquo tempore hac de causa gravare aut molestare voluerint nos ipsos nobiles et heredes suos protegemus et defendemus contra dictos rebelles et etiam pro posse eisdem succurremus Promittimus etiam bona fide quod pacem vel treugam cum predictis rebellibus nullo modo sine assensu predictorum nobilium faciemus dum tamen eosdem rebelles debita diligentia compellant ad emendandum nobis transgressiones factas nobis per eosdem et cum eis pacem vel concordiam non faciant sine nobis In cujus [] Teste Rege apud Werk xxi die Septembris