Charter Document - 07550156

Universis Christi fidelibus ad quos presens scriptum pervenerit Alexander Dei gratia Rex Scotie salutem Noverit universitas vestra quod cum karissimus pater noster et dominus Henricus Rex Anglie illustris pro honore et utilitate nostra et regni nostri ad marchiam regnorum Anglie et Scotie sui gratia personaliter accessisset nos ad instantiam ipsius regis et de consilio magnatum nostrorum Scilicet venerabilium patrum in Christo Willelmo Glasg Ricardo Dunkeld Petro Abberden Episcoporum et domini Gamelinus electi Sancti Andree De Dunfermel de Kelchou de Geddwurth et de Newbotl abbatum H comitis de Fif Patricius comitis de Dunbar Nigellus comitis de Carrik Henrici comitis de Strathern Alexandri senescalli Scotie Roberti de Brus Alani Hostiarij Walteri de Morevia David de Lindes Willielmi de Brechyn Hugonis Giffard Rogeri de Mumbray Gilberti de Haya Roberti de Meyners Willielmi de Duneglas Johannis de Vallibus Willielmi de Rammes et aliorum plurium baronum nostrorum Amovimus Willelmo Glasg Clement Dumblan episcopos Gamelin electum sancti Andree Willelmo Comyn comitem de Menetyef Alex Comyn comitem de Bochin Willielmum comitem de Mar Johannem de Bayllol Robertum de Ros Aymeram de Hakeswell et Mariam uxorem ejus Johannem Comyn Nicholaum de Sules Thomam de Normanvill Alex Vinet Johannem de Dundemor David de Graham Johannem le Blund Thomam filium Ranulfi Hugonem Gurle et Willielmum fratrem ejus Willielmum Wiscard archidiaconum sancti Andree fratrem Ricardum elemosinarium de ordine Militie Templi David de Louthor Johannem Whyscard Willielmum de Canerhon et Willielmum quondam capellanum nostrum meritis eorum exigentibus ut dicitur a concilio nostro et ballijs suis Et ipsos aut complices vel fauctores suos ad consilia nostra et negotia regni nostri tractanda seu ad gratiam nostram vel ad familiaritatem aliquam nequaquam admittemus donec ipsi predicto Regi et nobis excessus eis impositos et imponendos concordia vel judicio ad plenum emendaverint ad quod faciendum modis omnibus quibus justum fuerit eos si necesse fuerit compellamus Illud quoque condictum et utrimque concessum est quod si principem extraneum regnum Scotie invadere vel impugnare contingat liceat nobis predictos magnates a nostro concilio jam amotos et alios quoscumque ad nostrum auxilium admittere et invocare Ad hec autem mediante predicti Regis consilio et dictorum magnatum nostrorum ordinavimus quod venerabiles patres Ricardus et Petrus Dunkeld et Aberden episcopi H Comes de Fyf Patricius comes de Dunbar Henrici comes de Strathern Nigellus comes de Carrik Alex senescallus Scotie Robertus de Brus Alanus Hostiarius Walterus de Morevia David de Lindes Willielmus de Brechin Robertus de Meyner Gilbertus de Haya et Hugo Giffard ad consilia nostra et gubernationem regni nostri et custodiam corporis nostri et Regine sponse nostre sint deputati Et a consilio nostro et ballijs suis citra terminum septem annorum completorem et incipientium ad festum translationis sancti Cuthberti anno Domini MCCLV vel terminum breviorem in quem dictus dominus Rex vel heredes ejus et nos communiter duxerimus consentiendum nullatenus amovebuntur nisi manifeste demeruerint quominus nostris consilijs et regni nostri negotijs debeant interesse Quod si ipsorum aliquem vel aliquos ex causa hujusmodi amoveri vel in fata concedere infra dictum tempus contigerit alius vel alij loco ipsius vel ipsorum de consilio predictorum episcoporum comitum et baronum consiliariorum nostrorum vel eorum qui ex ipsis superstites extiterint substituentur Preterea de feodalibus custodijs vel escaetis nostris nichil fiet nisi de consilio et consensu dictorum consiliariorum nostrorum eisdem modo predicto substituendorum et nostro Si vero vicecomites forestarij et ceteri minores ballivi deliquerint per quod debeant a suis ballijs amoveri nos per supradictum consilium nostrum alios loco eorum substitui faciemus Nec castra nostra ab eis quibus tempore confectionis presentium commissa fuerunt resumemus nisi per consilium commune eorundem consiliariorum nostrorum ad custodiam et gubernationem regni nostri et corporis nostri et Regine nostre assignatorum Promisimus etiam bona fide prefato domino Regi quod filiam suam reginam nostram affectu maritali cum honorificentia omnimoda que filiam tanti principis et nostram decet reginam tractabimus et custodiemus et eidem a regno nostro honores debitos et convenientes in omnibus et per omnia exhiberi faciemus Obligationes etiam et concessiones rationabiles quas predicti episcopi et magnates nostri fecerunt prefato domino Regi ratas habemus et acceptas ut eas que de mandato nostro et voluntate processerunt Et ad omnia predicta fideliter et inviolabiliter observanda jurare fecimus in animam nostram Patricium comitem de Dunbar subjicientes nos cohercioni domini Pape ut si contra predicta in aliquo quod absit veniamus ipse per censuram ecclesiasticam absque strepitu judiciali nos ad plenam premissorum observationem compellat Presenti scripto completo predicto termino ut predictum est nobis vel heredibus nostris bona fide restituendo nec postmodum aliquo tempore valituro In hujus autem rei testimonium presenti scripto sigillum nostrum fecimus apponi Teste meipso Apud Rokesburg vicesimo die Septembris anno regni nostri septimo