Charter Document - 07550154
| Charter Number: | 07550154 |
|---|---|
| Cartulary Title: | Registrum de Panmure |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1255 |
| Date type: | Assigned |
| Resource Link(s): |
|
Charter:
Sciatis nos plenam potestatem dedisse dilectis et fidelibus nostris Ricardo de Clare Comiti Gloucestrie et Hertford Willielmo de Fortibus Comiti Albemarlie Johanni Maunsell preposito Beverlaci et Roberto Walerand Senescallo nostro quos ad partes Scotia destinamus seu duobus ex ipsis quos adesse contigerit admittendi nomine nostro amicos nostros dilectos Patricium Comitem de Dunbar Malis Comitem Straern Nigellum Comitem de Karrike Robertum de Brus Alexandrum Senescallum Scotie Alanum Hostiarium David de Lindes Willielmum de Brethun Walterum de Murrenya Robertum de Mesneres Hugonem Giffard Walterum le Senescall Johannem de Crauford Hugonem de Crauford Willielmum Kalebraz et omnes alios qui nobis herere voluerint in protectionem et defensionem nostram contra omnes illos de regno Scotie qui dampna intulerint vel inferre presument dilecto filio et fideli nostro Alexandro Regi Scotie vel amicis et inprisijs nostris injuste et qui rebelles extiterint karissime filie nostre Margarete Regine Scotie quorum statum ad commodum et utilitatem eorundem reformare intendimus bona fide Plenam etiam potestatem dedimus eisdem fidelibus nostris vel duobus ex ipsis quos presentes esse contigerit providendi et faciendi plenam et sufficientem securitatem omnibus predictis amicis nostris et alijs nobis in dicto negotio adherentibus modis omnibus quibus expedire viderint et super quibus expedire viderint Et promittimus nos pro nobis et heredibus nostris ratum habituros id quod per prefatos fideles nostros circa predictam securitatem actum fuerit in forma et modo quibus ipsi vel duo ex ipsis quos adesse contigerit eam providendam duxerint et formandam In cujus [] Teste Rege apud Kawode x Augusti die